Steps To Change And Update Birth Date On Aadhar Card: भारतीय नागरिकांसाठी सर्वात महत्त्वाच्या कागदपत्रांपैकी एक म्हणजे आधार कार्ड, जे स्मार्ट कार्ड म्हणूनही ओळखले जाते.
बँक खाते उघडणे असो किंवा नवीन सिमकार्ड घेणे असो किंवा शाळा-कॉलेजात प्रवेश घेणे असो, आधार कार्ड हा एक आवश्यक कागदपत्र बनला आहे.
आधार कार्डमधील माहितीतील एखादी चूक तुमच्यासाठी समस्या निर्माण ठरू शकते. त्यामुळे जर तुमच्या आधार कार्डमध्ये काही चुकीची माहिती असेल किंवा नावात काही चूक असेल किंवा इतर तपशील चुकीचे असतील तर तुम्ही ती ताबडतोब दुरुस्त करण्याची गरज आहे.
आधार कार्डशी संबंधित काम किंवा दुरुस्ती असेल तर त्यासाठी देशभरात आधार केंद्रांची व्यवस्था केली आहे. परंतु जर तुमच्याकडे वेळ कमी असेल तर तुम्ही यासाठी ऑनलाइन प्रक्रियेचा देखील अवलंब करू शकता.
तुम्ही घरातून किंवा जगातून कुठूनही राहून आधार कार्डमध्ये झालेली चूक सुधारू शकता. यामध्ये तुमची जन्मतारीख चुकली असेल, तर ती तात्काळ दुरुस्त करण्यासाठी तुम्ही ऑनलाइन प्रक्रियेचा अवलंब करू शकता.
uidai myaadhaar.uidai.gov.in च्या अधिकृत वेबसाइटवर जा.
येथे साइन अप करा किंवा लॉग इन करा.
यासाठी तुमचा आधार क्रमांक आणि कॅप्चा कोड टाका.
त्यानंतर Send OTP चा पर्याय निवडा.
तुमचा आधार लिंक फोन नंबरवर OTP येईल, तो टाका आणि लॉगिन करा.
त्यानंतर Update Aadhaar वर क्लिक करा.
यानंतर जन्मतारखेचा पर्याय निवडा.
येथून तुम्ही तुमची जन्मतारीख बदलू शकता.
त्यासाठी मागितलेली कागदपत्रे अपलोड करा.
सर्व मूळ कागदपत्रांची स्कॅन कॉपी अपलोड करा.
यासाठी तुम्हाला 50 रुपये फी भरावी लागेल.
रक्कम जमा केल्यानंतर जन्मतारीख बदलण्याची प्रक्रिया पूर्ण केली जाईल.
कोणत्याही इंटरनेट कॅफे किंवा इतर कोणत्याही सार्वजनिक संगणकावरून आधार डाउनलोड किंवा अपडेट करू नका.
जर तुम्ही सार्वजनिक ठिकाणाहून आधार डाउनलोड केले असेल तर तेथे तुम्ही UIDAI च्या संकेतस्थळावरुन लॉग आऊट केल्याची खात्री करा.
तसेच तुमची ब्राउझिंग हिस्ट्रीही डिलिट करा. तसेच तुम्ही ओळखत नसलेल्या कोणत्याही व्यक्तीला आधार कार्डशी संबंधित माहिती देऊ नका.
जर तुम्हीही आधारशी संबंधित फसवणुकीला बळी पडला असाल तर प्रथम UIDAI ला त्याची माहिती द्या. यानंतर पोलिसांकडे तक्रार करा.
याच्या मदतीने तुम्ही भविष्यात होणारी फसवणूक, आर्थिक नुकसान आणि फसवणुकीचा धोका टाळू शकाल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.