आयपीएल 2022 चा हंगाम संपल्यानंतर टीम इंडिया लवकरच आपल्या आंतरराष्ट्रीय असाइनमेंटला सुरुवात करणार आहे. सर्वप्रथम भारतीय संघाची या महिन्यात दक्षिण आफ्रिकेशी लढत होणार आहे. ही टी-20 मालिका असेल आणि ती 9 जूनपासून सुरु होईल.
दरम्यान, या मालिकेसाठी दक्षिण आफ्रिकेचा (South Africa) संघ भारतात पोहोचला आहे, तर भारतीय संघाचे खेळाडू केएल राहुलच्या (KL Rahul) नेतृत्वाखाली 5 जून रोजी मैदानात उतरतील. भारत आणि दक्षिण आफ्रिका यांच्यातील पहिला T20 सामना 9 जून रोजी दिल्लीतील अरुण जेटली स्टेडियमवर खेळवला जाणार आहे.
तसेच, या मालिकेसाठी भारतीय संघाचा कर्णधार रोहित शर्मा, विराट कोहली आणि इतर दिग्गज खेळाडूंना विश्रांती देण्यात आली आहे. अशा परिस्थितीत टीम इंडियासाठी (Team India) मालिका जिंकण्याची जबाबदारी केएल राहुलवर असेल. जेव्हा जेव्हा हे दोन संघ भिडतात तेव्हा धावा होतात. या मालिकेतही अनेक विक्रम केले जाऊ शकतात.
दुसरीकडे, या मालिकेसाठी दक्षिण आफ्रिकेने आपला सर्वोत्तम संघ निवडला आहे. त्याचबरोबर भारतीय संघात वरिष्ठ खेळाडूंना विश्रांती देऊनही अनेक मॅच विनर्सचा समावेश आहे. त्यांच्यामध्ये आयपीएलचे अनेक स्टार्स आहेत. तेच संघाला विजय मिळवून देण्यासाठी सज्ज असतील. IPL 2022 चे विजेतेपद पटकावणारा गुजरात टायटन्सचा कर्णधार हार्दिक पंड्याही खेळताना दिसणार आहे. अशा परिस्थितीत तो राहुलला महत्त्वाच्या टिप्स देत राहील. याशिवाय ऋषभ पंतला उपकर्णधारपद देण्यात आले आहे.
तसेच, 2007 मध्ये भारत आणि दक्षिण आफ्रिका यांच्यातील टी-20 सामन्यांच्या आकडेवारीबद्दल बोलायचे झाल्यास, यामध्ये दोन देशांमधील सामन्यांमध्ये सर्वाधिक धावा आणि सर्वाधिक षटकार ठोकणाऱ्या फलंदाजांबाबत आणखी बरीच आकडेवारी सांगितली जात आहे.
1. हेड टू हेड
भारत आणि दक्षिण आफ्रिका यांच्यात आतापर्यंत एकूण 15 टी-20 सामने खेळले गेले आहेत. यापैकी भारताने नऊ सामने जिंकले असून दक्षिण आफ्रिकेच्या संघाने सहा सामने जिंकले आहेत. भारतामध्ये दोन्ही संघांमध्ये चार सामने खेळले गेले आहेत. यापैकी भारताने केवळ एकच सामना जिंकला असून दक्षिण आफ्रिकेने तीन सामने जिंकले आहेत.
2. सर्वोच्च T20 एकूण, सर्वात कमी T20 एकूण
भारत आणि दक्षिण आफ्रिका यांच्यातील T20 मध्ये सर्वात मोठ्या धावसंख्येचा विक्रम (SA) च्या नावावर आहे. दक्षिण आफ्रिकेने 2012 मध्ये जोहान्सबर्गमध्ये भारताविरुद्ध 20 षटकात 4 गडी गमावून 219 धावा केल्या होत्या. त्याच वेळी, दक्षिण आफ्रिकेविरुद्ध भारताची सर्वात मोठी धावसंख्या 20 षटकात 5 विकेट्सवर 203 धावा आहे.
दक्षिण आफ्रिकेची भारतातील सर्वोच्च धावसंख्या तीन बाद 200 आहे, जी त्यांनी 2015 मध्ये धर्मशालामध्ये केली होती. त्याच वेळी, घरच्या मैदानावर दक्षिण आफ्रिकेविरुद्ध भारताची सर्वात मोठी धावसंख्या पाच विकेट्सवर 199 धावा आहे. टीम इंडियाने 2015 मध्ये धर्मशालामध्येच हा स्कोअर केला होता.
3. भारत-दक्षिण आफ्रिका T20 मध्ये सर्वाधिक धावा करणारा खेळाडू
भारत आणि दक्षिण आफ्रिकेदरम्यान सर्वाधिक धावा करणाऱ्या पहिल्या पाच फलंदाजांमध्ये भारताचे वर्चस्व आहे. मात्र, या मालिकेत या पहिल्या पाच फलंदाजांपैकी एकही फलंदाज खेळत नाही. या दोघांमधील सामन्यात रोहित शर्माने सर्वाधिक धावा केल्या आहेत. त्याने दक्षिण आफ्रिकेविरुद्ध 13 सामन्यात 362 धावा केल्या आहेत. सुरेश रैना दुसऱ्या क्रमांकावर आहे. त्याने दक्षिण आफ्रिकेविरुद्ध 12 सामन्यात 339 धावा केल्या आहेत. जेपी ड्युमिनी तिसऱ्या क्रमांकावर आहे. या दोघांमधील सामन्यात त्याने भारताविरुद्ध 295 धावा केल्या आहेत.
4. सर्वोच्च वैयक्तिक स्कोअर
या दोघांमधील सामन्यात सर्वाधिक वैयक्तिक धावा करण्याचा विक्रम रोहित शर्माच्या नावावर आहे. 2015 मध्ये धर्मशालामध्ये झालेल्या दक्षिण आफ्रिकेविरुद्धच्या सामन्यात त्याने 106 धावा केल्या होत्या. त्याचवेळी सुरेश रैना दुसऱ्या क्रमांकावर आहे. त्याने 2010 मध्ये ग्रोस आयलेटमध्ये दक्षिण आफ्रिकेविरुद्ध 101 धावा केल्या होत्या. हा सामना T20 विश्वचषकातील होता. भारताचा स्टार फलंदाज मनीष पांडे यामध्ये तिसऱ्या क्रमांकावर आहे. त्याने 2018 मध्ये दक्षिण आफ्रिकेविरुद्ध सेंच्युरियनमध्ये 79 धावा केल्या होत्या. क्विंटन डी कॉक 79 धावांसह चौथ्या आणि कॉलिन इंग्राम 78 धावांसह पाचव्या स्थानावर आहे.
5. सर्वाधिक षटकार
भारत आणि दक्षिण आफ्रिका यांच्यातील सामन्यात सर्वाधिक षटकार मारण्याचा विक्रम माजी क्रिकेटपटू जेपी ड्युमिनीच्या नावावर आहे. भारताविरुद्धच्या T20 मध्ये त्याने एकूण 16 षटकार मारले आहेत. रोहित शर्मा दुसऱ्या क्रमांकावर आहे. त्याने दक्षिण आफ्रिकेविरुद्ध 14 षटकार मारले आहेत. तिसऱ्या क्रमांकावर सुरेश रैना 13 षटकारांसह, विराट कोहली नऊ षटकारांसह चौथ्या क्रमांकावर आणि आठ षटकारांसह पाचव्या क्रमांकावर हेनरिक क्लासेन आहे. या मालिकेत क्लासेन वगळता इतर कोणताही फलंदाज खेळत नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
