Indian Team Umran Malik Arshdeep Singh: आयपीएल 2022 संपले. आता भारतीय चाहते 9 जूनपासून सुरु होणाऱ्या दक्षिण आफ्रिका मालिकेची वाट पाहत आहेत. या मालिकेसाठी अनेक दिग्गज खेळाडूंना विश्रांती देण्यात आली आहे, त्यामुळे टीम इंडियाची कमान केएल राहुलकडे सोपवण्यात आली आहे. या मालिकेसाठी अनेक युवा खेळाडूंना टीम इंडियात स्थान मिळाले आहे. त्याचबरोबर जसप्रीत बुमराह आणि मोहम्मद शमीची जागा घेणारे दोन खेळाडू आहेत.
बुमराह-शमीची जागा घेणार हे खेळाडू!
जसप्रीत बुमराहने (Jaspreet Bumrah) टीम इंडियासाठी अनेक सामने स्वबळावर जिंकले आहेत. बुमराहच्या धोकादायक यॉर्करबद्दल क्रिकेटप्रेमींना चांगलंच माहिती आहे. दक्षिण आफ्रिका मालिकेतील बुमराहला विश्रांती देण्यात आली आहे. त्याच्या जागी स्पीडस्टार उमरान मलिकचा समावेश करण्यात आला आहे. उमरानने आयपीएल 2022 मध्ये आपल्या घातक गोलंदाजीच्या जोरावर सर्वांची मने जिंकली आहेत. उमरानने आयपीएल 2022 (IPL 2022) च्या 14 सामन्यांत 22 विकेट घेतल्या आहेत. 22 वर्षीय उमरान मलिकची ताशी 150 किलोमीटर वेगाने चेंडू फेकण्याची क्षमता आहे. डावाच्या सुरुवातीला तो अतिशय धोकादायक गोलंदाजी करतो. उमरानची सर्वात मोठी ताकद म्हणजे त्याचा वेग आणि अवघ्या काही चेंडूंमध्ये सामना बदलण्याची क्षमता त्याच्यात आहे. तो दक्षिण आफ्रिकेविरुद्ध भारतीय गोलंदाजीचे नेतृत्व करु शकतो.
या खेळाडूने आयपीएलमध्ये सिध्द केले
दक्षिण आफ्रिकेविरुद्धच्या (South Africa) मालिकेत मोहम्मद शमीलाही विश्रांती देण्यात आली आहे. अशा परिस्थितीत त्याच्या जागी अर्शदीप सिंगला संधी मिळाली. अर्शदीप सिंग डेथ ओव्हर्समध्ये धोकादायक गोलंदाजी ओळखला जातो. आयपीएल 2022 मध्ये, अर्शदीप सिंगने पंजाब किंग्जसाठी अनेक शानदार स्पेल टाकले. तो अतिशय संथ चेंडूवर विकेट घेण्यासाठी प्रसिद्ध आहे. अर्शदीप सिंगने आयपीएल 2022 च्या 14 सामन्यांमध्ये 10 विकेट घेतल्या. जर केएल राहुलने दक्षिण आफ्रिकेविरुद्धच्या पहिल्या सामन्यात या दोन्ही खेळाडूंना संधी दिली तर हे खेळाडू बुमराह-शमीसाठी चांगला पर्याय ठरु शकतात.
दिग्गज खेळाडूंना विश्रांती मिळाली
दक्षिण आफ्रिकेविरुद्ध निवड समितीने कर्णधार रोहित शर्मा, सुपरस्टार फलंदाज विराट कोहली, मोहम्मद शमी आणि जसप्रीत बुमराह यांना विश्रांती दिली आहे. अशा परिस्थितीत तरुण खेळाडूंना संधी देण्यात आली आहे. त्याचबरोबर टीम इंडियामध्ये (Team India) आपले स्थान निश्चित करण्याची चांगली संधी आहे.
दक्षिण आफ्रिका मालिकेसाठी भारतीय T20 संघ:
लोकेश राहुल (कर्णधार), ऋतुराज गायकवाड, इशान किशन, दीपक हुडा, श्रेयस अय्यर, ऋषभ पंत (उपकर्णधार), दिनेश कार्तिक (विकेटकीपर), हार्दिक पांड्या, व्यंकटेश अय्यर, यजुवेंद्र चहल, कुलदीप यादव, अक्षर पटेल, रवी बिश्नोई, भुवनेश्वर कुमार, हर्षल पटेल, आवेश खान, अर्शदीप सिंग आणि उमरान मलिक.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
