Goa News: मांद्रेचे माजी सरपंच प्रशांत नाईक यांच्याकडून 350 पूरग्रस्त शेतकऱ्यांना मदत; वाचा दिवसभरातील घडामोडी

मांद्रेचे माजी सरपंच प्रशांत (बाळा) नाईक यांनी पूरग्रस्त सुमारे 350 शेतकऱ्यांना मदत दिली.

गोवा पोलिसांच्या सायबर क्राइम ब्रांचने झुआरी नगर येथे अमेरिकेतील नागरिकांची फसवणूक केल्याप्रकरणी 24 जणांना अटक केली. गुन्ह्यातील सर्व उपकरणे जप्त करण्यात आल्याची माहिती डीजीपी आलोक कुमार यांनी दिली.

कळंगुट येथे झालेल्या चोरीप्रकरणी डी.एम. संतोष (27, कर्नाटक) याला पोलिसांनी अटक केली. 3 लाख रुपयांचा चोरीचा मुद्देमाल जप्त करण्यात आला आहे.

मुख्यमंत्री डॉ. प्रमोद सावंत यांनी भारतरत्न आणि भारताचे माजी उपपंतप्रधान लालकृष्ण अडवाणी यांची नवी दिल्ली येथे त्यांच्या निवासस्थानी भेट घेतली.

'कॅश फॉर जॉब' प्रकरणावरुन लोकांचे लक्ष विचलीत करण्याचे मुख्यमंत्र्यांचे प्रयत्न. पण 'मॅडम'ला पकडून देण्याचा सर्व जनतेचा निर्धार. आम्हीही ह्या मॅडमला पडकल्यावाचून राहणार नाही. पण ही मॅडम कोण त्याची पूर्ण माहिती आमच्या हातात येऊ द्यात. त्यानंतरच मी जाहीर भाष्य करेन. गोवा फॉरवर्डचे आमदार विजय सरदेसाईंची प्रतिपादन.

जसप्रीत बुमराहच्या नेतृत्वाखाली टीम इंडियाने पर्थमधील २०२४-२५ बॉर्डर-गावस्कर ट्रॉफीच्या पहिल्या कसोटीत ऑस्ट्रेलियावर २९५ धावांनी दणदणीत विजय मिळवला.

भारतीय तटरक्षक दलाने अंदमानच्या समुद्रात एका मासेमारी बोटीतून सुमारे पाच टन ड्रग्ज पकडले आहेत. भारतीय तटरक्षक दलाने आतापर्यंत जप्त केलेल्या अमलीपदार्थांपैकी हा सर्वात मोठा प्रसंग असण्याची शक्यता आहे. अधिक तपशीलांची प्रतीक्षा असल्याची माहिती संरक्षण अधिकाऱ्यांनी दिली आहे.

महाराष्ट्रात भाजपच्या दणदणीत विजयाबद्दल गोव्याचे आरोग्यमंत्री मंत्री विश्वजित राणे यांनी महाराष्ट्राचे नेते देवेंद्र फडणवीस यांची भेट घेऊन त्यांचे अभिनंदन केले.

ग्रामसभेनंतर कामुर्लीच्या उपसरपंच आणि त्यांच्या पतीला मारहाण केल्याप्रकरणी कोलवाळ पोलिसांनी नुबर्ट फर्नांडिस याला अटक केली.

मांद्रे पोलिसांनी एका रशियन पर्यटकाचा हरवलेला पासपोर्ट शोधून काढत त्याला परत केला. गोवा पोलिसांच्या तत्परतेबद्दल पर्यटकाने आभार मानले.