पणजी: गोवा भाजप कार्यालयाच्या उद्घाटनापूर्वी काँग्रेसच्या नव्या कार्यालयाचे उद्घाटन करू, असे आपण प्रदेशाध्यक्ष असताना जाहीर केले होते. मात्र, त्यापूर्वीच आपल्याला प्रदेशाध्यक्षपदावरून हटविण्यात आले.
प्रदेश काँग्रेसचे नवे कार्यालय तयार असून, त्यासाठी पक्षाने निधी उपलब्ध करून दिल्यास उद्याही त्याचे उद्घाटन करता येईल, असे माजी प्रदेशाध्यक्ष अमित पाटकर यांनी शनिवारी पत्रकारांशी बोलताना सांगितले.कार्यालयाचे उद्घाटन हा पक्षाचा निर्णय असून, त्यासाठी केवळ दोन मिनिटांचा वेळ लागतो, असेही पाटकर यांनी स्पष्ट केले.
भाजपच्या नव्या कार्यालयाच्या उद्घाटनाच्या पार्श्वभूमीवर काँग्रेसच्या नव्या कार्यालयाचा मुद्दा पुन्हा चर्चेत आला आहे. राज्यात अनेक वर्षे सत्ता गाजविलेल्या काँग्रेसकडे अद्याप सुसज्ज असे स्वतंत्र कार्यालय नसल्याने पक्षाच्या कार्यकर्त्यांकडूनही नव्या कार्यालयाची मागणी होत आहे.
दरम्यान, भाजप नेते रुपेश कामत यांनी काँग्रेसच्या केंद्रीय नेतृत्वावर प्रश्नचिन्ह उपस्थित केले आहे. काँग्रेसच्या कार्यालयाची इमारत तयार असूनही केंद्रीय नेतृत्वाने त्यासाठी निधी का दिला नाही, असा सवाल त्यांनी अमित पाटकर यांच्या विधानाचा संदर्भ देत केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
