तिसवाडी तालुका आणि फोंडा तालुक्यातील काही भागांतील रहिवाशांना येत्या १३ आणि १४ मे रोजी पाणीटंचाईचा सामना करावा लागणार आहे. जलवाहिनीच्या तातडीच्या देखभालीसाठी आणि नवीन जोडणीसाठी सार्वजनिक बांधकाम विभागाने पाणी पुरवठा मर्यादित ठेवण्याचा निर्णय घेतला आहे. यामुळे सर्वसामान्य नागरिकांसह सरकारी संस्थांनाही पाण्याचा वापर जपून करण्याचे आवाहन करण्यात आले आहे.

पाईपलाईनच्या जोडणीचे काम

मिळालेल्या माहितीनुसार, सेंट फ्रान्सिस झेवियर चॅपलजवळ ७०० मिमी आणि ६०० मिमी व्यासाच्या मुख्य जलवाहिन्यांच्या जोडणीचे काम हाती घेण्यात आले आहे. हे काम पाणीपुरवठा पायाभूत सुविधा अधिक मजबूत आणि सुव्यवस्थित करण्यासाठी अत्यंत आवश्यक असल्याचे अधिकाऱ्यांनी सांगितले आहे. या तांत्रिक कामामुळे दोन दिवस पाणीपुरवठा पूर्ण दाबाने होऊ शकणार नाही.