बॉलिवूडचा बादशाह म्हणून प्रसिद्ध असलेला शाहरुख खान त्याची मुलगी सुहाना खान (Suhana Khan) देखील नेहमीच चर्चेत असते. दिवाळीच्या पार्श्वभूमीवर सध्या बॉलीवूड सेलिब्रिटी त्यांच्या दिवाळी लूकमुळे चर्चेत आहेत. शाहरुख खानच्या (Shah Rukh Khan) मुलीने देखील दिवाळीनिमित्त साडीतील लूक शेअर केला आहे. अलीकडेच सुहाना फॅशन डिझायनर मनीष मल्होत्राच्या (Manish Mhallotra) पार्टीत साडी परिधान करून पोहोचली होती. पिता शाहरुखने आपल्या लेकीच्या साडीतील लुकवर कमेन्ट केली आहे.

मनीष मल्होत्राच्या दिवाळी पार्टीत सुहाना खानने सोनेरी चमकदार साडी परिधान केली होती. या लूकमध्ये ती खूपच सुंदर दिसत होती. सुहानाने साडीतील तिचे फोटो इंस्टाग्रामवर शेअर केले आहेत, ज्यावर शाहरुख खानने मजेशीर प्रतिक्रिया दिली आहे. शाहरुख खानने लिहिले की,

"वेळेचे नियम झुगारून मुलं ज्या वेगाने वाढतात...खूप सुंदर." पुढे शाहरुखने सुहानाला विचारले की, ही साडी तू स्वतःच परिधान केली आहेस का?

वडिलांच्या या कमेंटला उत्तर देताना सुहानाने लिहिले, "लव्ह यू... तुम्हाला माहिती आहे, आईने माझ्यासाठी हे केले आहे."

सुहाना खानच्या यो फोटोवर शाहरूख खान शिवाय, गौरी खान, श्वेता बच्चन तसेच झोय अख्तर यांनी कमेन्ट केली आहे. सर्वांनी सुहानाला अतिशय सुंदर दिसत असल्याचे म्हटले आहे.

सुहाना खान एक स्टार किड आहे, वेगवेगळ्या कारणांसाठी ती नेहमी चर्चेत असते. सुहानाच्या करिअरबद्दल बोलायचं तर ती लवकरच झोया अख्तरच्या नेटफ्लिक्सवरील चित्रपट 'द आर्चीज'मधून बॉलिवूडमध्ये पदार्पण करणार आहे. याशिवाय सुहाना सोशल मिडियावर नेहमीच सक्रिय असते. म