अभिनेता सलमान खान म्हणजेच बॉलिवूडचा भाईजान त्याच्या फॅन्ससोबत घरच्यांचाही खूप लाडका आहे. आपल्या कुटूंबियांशी सलमानचे नाते खूप हळवे आहे. त्यामुळेच त्याच्या चित्रपट आणि करिअरच्या बाबतीतही कुटूंबियांचा सल्ला तो महत्वाचा मानतो.

अगदी चित्रपटांच्या कथेच्या बाबतीत सलमान वडील आणि दिग्गज चित्रपट लेखक सलीम खान यांचा सल्ला घेतो. मिळालेल्या माहितीनुसार सलमानचा आगामी चित्रपट किसी का भाई किसी की जान त्याच्या कुटूंबियांनाच आवडला नाही, चला बघुया नेमकं काय मत आहे सलमानच्या कुटूंबियांचं.

सलमान खान आणि पूजा हेगडे स्टारर 'किसी का भाई किसी की जान' हा या वर्षातील बहुप्रतिक्षित चित्रपटांपैकी एक आहे. फरहाद सामजी दिग्दर्शित, या चित्रपटाचे पहिले गाणे, नयो लगदा, आजकाल इंस्टाग्रामवर त्याच्या रील्समुळे खूप लोकप्रिय झाले आहे. 'किसी का भाई किसी की जान' हा चाहत्यांसाठी खूप महत्वाचा चित्रपट समजला जातोय . 

महत्वाचे म्हणजे बॉक्स ऑफिसवर सलमान खानचं कमबॅक कसं होणार हे प्रत्येकाला पाहायचे आहे. या चित्रपटात तो पुन्हा एकदा लांब केसांमध्ये दिसणार आहे. बॉक्स ऑफिसवर पद्धतीने सलमान खानही सावकाश पाऊल टाकत आहे. याबाबतीत त्याला कोणताही धोका पत्करायचा नाही.

मिळालेल्या माहितीनुसार, सलमान खानने 'किसी का भाई किसी की जान' त्याचे कुटुंब, मित्र आणि जवळच्या लोकांना दाखवले आहे. त्यांने याबाबतीत सर्वांच्या प्रतिक्रिया घेतल्या आहेत . यानंतर जे काही दोष त्यांच्या लक्षात आले आहेत, त्यामुळे आता एडिटिंगमध्येही बदल होणार आहे. 

'किसी का भाई किसी की जान' हा असा चित्रपट व्हावा ज्याला चाहत्यांचे भरभरून प्रेम मिळेल अशी त्याची इच्छा आहे. साहजिकच भाईजान घरच्या मंडळींच्या विरोधात जाणार नाही.

सलमानने चित्रपटाचे एडिटिंग नुकतंच पूर्ण केलं असून पहिला कट तयार आहे. त्याने भाऊ सोहेल खानच्या स्टुडिओत एडिटिंग फर्स्ट हाफ पूर्ण केला. त्याच्या एडिटिंगमधुन ब्रेक घेतला कारण तो काही विवाहसोहळ्यांमधल्या परफॉर्मन्सने थकला होता. आता बघुया सलमानचा हा बदललेला भाईजान कसा असणार आहे ते?