ओम राऊत दिग्दर्शित आदिपुरूष हा चित्रपट फर्स्ट लूक रिलीज केल्यापासुन वादाच्या केंद्रस्थानी आहे. कधी चित्रपटातल्या पात्रांच्या लूकवरुन ट्रोलींग झालं तर कधी अन्य कारणाने. चित्रपट रिलीज झाल्यावर मात्र एक वाद जोरदार पेटला आणि तो म्हणजे चित्रपटांचे संवाद.

सोशल मिडीयावर या चित्रपटाच्या संवादावर प्रचंड टीका करण्यात आली होती. आता या तापलेल्या प्रकरणावर चित्रपटाचा लेखक मनोज मुंताशीरने माफी मागितली आहे.

मनोजचं मत बदललं

प्रभासच्या ‘आदिपुरुष’ या चित्रपटाचे संवाद लिहिणारे लेखक मनोज मुंतशीर आता आपलं मतन बदलताना दिसत आहे. आतापर्यंत आपल्या बचावात वक्तव्य करणाऱ्या मनोजने आता हात जोडून माफी मागितली आहे. त्यांनी सोशल मीडियावर एक ट्विट शेअर केले असून बंधू-भगिनी, वडीलधारी मंडळी, आदरणीय ऋषी-संत आणि श्री राम भक्तांची बिनशर्त माफी मागितली आहे. चित्रपटामुळे जनतेच्या भावना दुखावल्या गेल्याचे त्याने मान्य केले. 

मनोज पुढे म्हणाला

भगवान बजरंगबली सर्वांचे कल्याण करोत असे त्यांनी लिहिले. यापूर्वी मनोजने हनुमानाबद्दल केलेल्या विधानावर बरीच टीका झाली होती. मनोज म्हणाला होता की, हनुमान भक्त होते, आम्ही त्यांना देव बनवले होते. या विधानावर त्यांच्यावर बरीच टीका झाली होती.

'मी माफी मागतो'

मनोज मुंतशीर यांनी आपल्या नवीन ट्विटमध्ये लिहिले आहे की, 'आदिपुरुष' चित्रपटामुळे जनतेच्या भावना दुखावल्या गेल्या आहेत हे मी मान्य करतो. माझ्या सर्व बंधू-भगिनी, ज्येष्ठ, आदरणीय ऋषीमुनी आणि श्री राम भक्तांची मी हात जोडून बिनशर्त माफी मागतो.

 भगवान बजरंगबली आम्हा सर्वांना आशीर्वाद देवो, एक आणि अटूट राहण्याची आणि आपल्या पवित्र शाश्वत आणि महान देशाची सेवा करण्याचे सामर्थ्य देवो!'

युजर्सच्या प्रतिक्रिया

मनोज मुंतशीर यांनी माफी मागताच हे ट्विट व्हायरल झाले. त्यांच्या या ट्विटवर युजर्स भरभरून प्रतिक्रिया देत आहेत. एकाने लिहिले, 'संवाद लिहिण्यापूर्वी विचार करायला हवा होता.' दुसऱ्याने लिहिले, 'तुम्ही संधीसाधू आहात.' तर काहींनी 'तुम्ही आमच्या माफीला पात्र नाही' असे लिहून प्रतिक्रिया दिली.

हनुमान देव नाहीत ते भक्त

याआधी मनोज मुनताशीर यांनी हनुमानजी हे देव नसून ते रामभक्त असल्याचे सांगून नवा वाद निर्माण केला होता. आम्ही त्याला देव बनवले. यानंतर ते जनतेच्या निशाण्यावर आले होते. नंतर त्यांनी सांगितले होते की, त्यांच्या जीवाला धोका आहे, त्यामुळे त्यांना संरक्षणही मिळाले आहे.