बॉलिवुड (Bollywood) मधील दिवंगत अभिनेता इरफान खानचा (Irrfan Khan) चित्रपट 'दुबई रिटर्न' (Dubai Return) अजूनही प्रदर्शित झालेला नाही. आदित्य भट्टाचार्य (Aditya Bhattacharya) दिग्दर्शित इरफानचा हा चित्रपट 2005 मध्ये बनला होता. बर्‍याच कारणांमुळे हा चित्रपट थिएटरमध्ये किंवा ओटीटीमध्ये प्रदर्शित झाला नाही. 2005 साली हा चित्रपट आंतरराष्ट्रीय चित्रपट महोत्सवात प्रदर्शित झाला होता, परंतु अद्याप तो प्रदर्शित होऊ शकला नाही. मात्र, आता टाईम्स ऑफ इंडियाच्या वृत्तानुसार हा चित्रपट आता 2021च्या आभासी बांद्रा फिल्म फेस्टिवलमध्ये (Bandra Film Festival) प्रदर्शित होणार आहे.चित्रपटात इरफानने एका छोट्या गँगस्टर आफताब अंगरेजची भूमिका साकारली होती. रिपोर्ट्सनुसार दुबई रिटर्न्स हा विनय चौधरी लिखित विनोदी चित्रपट आहे. आदित्य भट्टाचार्य यांचा ‘राख’ हा दुसरा चित्रपटही येथे प्रदर्शित होईल ज्यात त्याचा मित्र आमिर खान आहे.(Irrfan Khan starrer Dubai Returns will premiere at Bandra Film Festival the film was made 16 years ago)

इरफानचा शेवटचा चित्रपट अंग्रेजी मीडियम

इरफानचा शेवटचा चित्रपट अंगरेझी मीडियम होता ज्यात त्यांच्यासोबत करीना कपूर खान, राधिका मदन, डिंपल कपाडिया मुख्य भूमिकेत होते. या चित्रपटाच्या शूटिंगपूर्वी इरफानवर त्यांच्या कर्करोगाचा उपचार सुरू होता आणि चित्रपटाचे शूटिंग संपल्यानंतर इरफानची तब्येत पुन्हा बिघडू लागली आणि हा त्याचा शेवटचा चित्रपट असेल हे कोणालाच माहिती नव्हते . इरफानला चित्रपटाची जाहिरातही करता आली नाही.

इरफान खान 29 एप्रिलला आपल्या सर्वांना सोडून गेला.त्याच्या जाण्यामुळे कुटुंबीयच नव्हे तर चाहत्यांनाही धक्का बसला. अभिनेता गेल्यानंतर त्याचा मुलगा बाबिल खान (Babil khan) आपल्या वडिलांसोबतच्या आठवणी सांगत राहतो. पण त्यानंतर अचानक बाबिलने अभिनेत्याशी संबंधित पोस्ट शेअर करणे बंद केले. जेव्हा एका चाहत्याने याचे कारण विचारले तेव्हा ते म्हणाले होते की लोकांना असे वाटते की मी पपाच्या या पोस्टद्वारे स्वत: च प्रमोशन करीत आहे, म्हणून मी हे सर्व पोस्ट करणे थांबविले. जेव्हा मला वाटेल की वेळ योग्य आहे, तेव्हा मी त्यांच्या आठवणी तुमच्या सर्वांसह शेयर करीन.

बबील अभिनय क्षेत्रातही आपल्या करिअरची सुरूवात करीत आहे. अनुष्का शर्माच्या प्रॉडक्शन हाऊसद्वारे निर्मित 'नेटकाफ्लिक्स' फिल्म 'काला' मध्ये तो दिसणार आहे. या चित्रपटात तृप्ती डिमरी देखील आहेत. चित्रपटांमध्ये बबीलला पाहायला चाहत्यांना खूप उत्सुकता आहे. जरी बाबिल त्याच्या पदार्पणाविषयी चिंताग्रस्त पण तो उत्साही देखील तेवढाच आहे.चाहत्यांच्या अपेक्षेनुसार आपण काम करेल की नाही याची भीती बाबीलला आहे.