Ira Khan talking about his Depression : इरा खानने म्हटले आहे की तिच्या नैराश्यासाठी ती स्वतःला दोषी ठरवते आणि तिची उदासीनता देखील 'अंशतः अनुवांशिक' आहे. ती ETimes ला दिलेल्या एका मुलाखतीत बोलत होती. या मुलाखतीत इरा म्हणाली तिच्यावर प्रेम करण्यासाठी दुःखी असणे आवश्यक आहे यावर विश्वास ठेवून ती कशी मोठी झाली. 

आमिर खानची मुलगी इरा अनेकदा तिच्या मानसिक आरोग्याबद्दल बोलली आहे आणि तिने मानसिक आरोग्यासाठी एक वेलनेस सेंटर देखील उघडले आहे.

इराची मानसिक स्थिती आणि आमिर खानचा घटस्फोट

आपल्या नैराश्याबद्दल बोलताना इराने इंग्रजी दैनिकाला सांगितले की, "नैराश्य थोडे गुंतागुंतीचे आहे. ते अंशतः अनुवांशिक, अंशतः मानसिक आणि सामाजिक असते. माझ्या बाबतीत, ते अंशतः अनुवांशिक आहे. माझ्या कुटुंबात मानसिक आरोग्याच्या समस्यांचा इतिहास आहे. माझ्या आई आणि वडिलांकडुन मला हे मिळालं असावं.

माझ्या थेरपिस्टने सांगितले की ट्रिगर पॉइंट्सपैकी एक माझे पालक होते, ज्यांनी त्यांचा घटस्फोट त्या वेळी शक्य तितका चांगल्या पद्धतीने हाताळला." इरा ही बॉलिवूड स्टार आमिर आणि त्याची पहिली पत्नी रीना दत्ता यांची मुलगी आहे. 2002 मध्ये रीना आणि आमिरचा घटस्फोट झाला तेव्हा ती खूप लहान होती .

इराचा समजूतदारपणा

इरा पुढे म्हणाली की तिच्या पालकांचा घटस्फोट सौहार्दपूर्ण होता आणि तिच्या नैराश्यासाठी ती त्यांना दोष देत नाही. तिच्या पालकांनी हे स्पष्टच केले की घटस्फोट ही मोठी गोष्ट नाही, परंतु तिला त्या परिस्थितीबद्दल एक समज होती. 

तिने असेही म्हटले की ती तिच्या उदासीनतेसाठी स्वत: ला दोष देते आणि तिने 20 वर्षे या विश्वासावर घालवली की लोकांवर प्रेम करण्यासाठी दुःखी असणे आवश्यक आहे. आता तिला आनंदी व्हायचे आहे, तिला पद्धतशीरपणे सर्वकाही आधीसारखे करावे लागेल, असेही ती पुढे म्हणाली.

प्रेम करताना तुटलेलं असणं आवश्यक असतं

इराने या मुलाखतीत सांगितले की मोठे होत असताना तिने ठरवले की प्रेम करण्यासाठी तिला 'किंचित तुटलेली व्यक्ती' असणे आवश्यक आहे. "बरेच चित्रपट पाहून मी हा समज निर्माण केला.

मला आठवते की मी 8 किंवा 10 वर्षांची तरुण होते आणि स्वत: ला खोटं हसायला सांगत होते, माझ्या भावनांना दाबण्यासाठी मी हे करत होते... त्यामुळे मी थोडासा तुटून मोठी झाले होते कारण तेव्हाच माझा विश्वास होता. लोक माझ्यावर प्रेम करतील. म्हणूनच माझी खात्री झाली की मी निराश व्यक्ती आहे."

काही काळापासुन इरा सहन करतेय

गेल्या काही वर्षांपासून सुरु असलेल्या मानसिक आरोग्याच्या समस्येबद्दल इराने खुलासा केला आहे. इराने तिच्या स्वतःच्या मानसिक आरोग्याच्या समस्यांबद्दल तसेच त्यावर काय उपाय करता येतील याबद्दल वारंवार पोस्ट देखील शेअर केल्या आहेत.