महाराष्ट्रात (Maharashtra) दोन कोळ्यांच्या प्रजातींचा शोध लागला असून त्यांचं शास्त्रीय नामकरण Icius tukarami असं करण्यात आलं आहे. अभिमानाची गोष्ट म्हणजे 26/11 च्या हल्ल्यात दहशतवादी अजमल कसाबला (Ajmal Kasab) पकडून ठेवणारे जिगरबाज सहाय्यक पोलिस उपनिरिक्षक शहीद तुकाराम ओंबळे (Tukaram Ombale) यांच्या नावावरुन हे नाव देण्यात आले आहे.

दरम्यान, 26/11च्या रात्री सीएसटी रेल्वे स्थानकावर (CST railway station) हल्ला केल्यानंतर अजमल कसाब आणि त्याचा साथीदार इस्माईल खान (Ismail Khan) यांनी कामा रुग्णालयाला (Kama Hospital) लक्ष्य केले होते. हे दोन्ही दहशतवादी रुग्णालयाच्या मागील गेटजवळ आले परंतु कर्मचार्‍यांनी सर्व दरवाजे आतून बंद केले होते. त्यानंतर या दोघांनी एटीएसचे प्रमुख हेमंत करकरे यांच्यासह सहा अधिकाऱ्यांचा खात्मा करून रुग्णालयाबाहेरील पोलिस पथकावर हल्ला केला होता.

कसाब आणि त्याचा दहशतवादी साथिदार इस्माईल खान यांना नंतर गिरगाव चौपाटीजवळ रोखण्यात आले, तेथे तुकाराम ओंबळे यांनी त्यांच्या रायफलची बॅरेल पकडली. त्यांच्या या चतुराईमुळे इतर पोलिस सहकाऱ्यांना कसाबला जिवंत पकडण्यासाठी पुरेसा वेळ मिळाला. घटनास्थळी उपस्थित असलेल्या अन्य पोलिस अधिकाऱ्यांच्या सुरक्षेसाठी सहायक उपनिरीक्षकांनी कसाबच्या समोर उभे राहून पॉइंट रेंजवर गोळ्या झाडल्या होत्या. तुकाराम ओंबळे यांना त्यांच्या शौर्यासाठी अशोक चक्र पुरस्कार (Ashoka Chakra Award) देण्यात आला.