मुंबई: तुरूंग शिक्षा देण्याची जागा आहे की मजा घेण्याची जागा आहे ? हा प्रश्न उपस्थित झाला आहे. कारण महाराष्ट्रात परिस्थितीच तशी निर्माण झाली आहे. कैदी आता शिक्षेसाठी नव्हे तर मौजमजेसाठी तुरूंगात जाणार आहे. महाराष्ट्रामध्ये तुरूंगातील कॅन्टीनमध्ये चिकन, मटण आणि सर्व प्रकारच्या मिठाई कैद्यांना खायला मिळणार आहे. त्यामुळे तुरूंगात असुनही कैद्यांना या सर्व गोष्टी खायला मिळणार आहेत. (Prison canteen in Maharashtra will provide chicken mutton and all kinds of sweets to inmates)

या संदर्भात महाराष्ट्राचे अतिरिक्त डीजीपी सुनील रामानंद यांनी मंगळवारी पत्रकार परिषद आयोजित करून ही माहीती दिली. मूलभूत खाद्यपदार्थाबरोबरच या स्वादिष्ट वस्तू देखील कैद्यांच्या कॅन्टीनमध्ये ठेवल्या जातील. अशा एकूण 30 स्वादिष्ट वस्तू आता कॅन्टीनमध्ये कैद्यांच्या जेवणासाठी ठेवण्यात येणार आहे. सुनील रामानंद यांनी त्या डिशेसची यादी जाहीर केली आहे.

आता कैद्यांचा टाइम येणार

आता कैद्यांना वेगवेगळ्या प्रकारच्या वस्तू तुरूंगात मिळणार आहेत. बुधवारी प्रेस कौन्सिलमध्ये हि लिस्ट जाहीर करण्यात आली. त्यामध्ये मिठाई, बेकरी आयटम, ड्राई फ्रूट्स, हंगामी फळे, दही, पनीर, लस्सी, शरबत, मांसाहारी पदार्थ, कचोरी, चिकन, मटण, शीरा, लाडू, शकरपाळे, चकली, करंजी, श्रीखंड, अम्रखंड, शेव, पापडी, लोणच, समोसा, च्यवनप्राश, म्हैसूरपाक, जिलेबी, पेडे, चहा, कॉफी, फेस वॉश, हळद मलई, एनर्जी बार, ग्लुकॉन डी, बाथ साबण, अगरबत्ती, बूट पोलिश, ग्रीटिंग कार्ड, मिक्स वेज, अंडी करी, वडा पाव, कॉर्न फ्लेक्स, बोर्नविटा, चॉकलेट, उकडलेले अंडे, पनीर मसाला, पूरण पोळी, आवळा कँडी, मुरब्बा, गुलाब जामुन, आंबा, पेरू, बदाम शेक, ताक, दूध, गूळ , गाईचे शुद्ध तूप, लोणी, खिचडी, दिंक लाडू, बेसन लाडू, आलू भजी अशा पदार्थांचा समावेश करण्यात येत आहे.

या गोष्टीं खरेदी करण्यासाठी कैद्यांकडे पैसे कसे येणार?

कारागृहात कैदी विविध प्रकारचे काम करतात. त्या बदल्यात त्यांना त्या कामासाठी पैसै दिले जातात. ते त्या पैशांचा वापर कॅन्टीनमधून आपल्या आवडीच्या वस्तू खरेदी करण्यासाठी करू शकतात. या व्यतिरिक्त, कैदी निश्चित रक्कम खर्च करू शकतात जे कैद्यांच्या कुटुंबियांना पाठविण्याची परवानगी आहे. याशिवाय अतिरिक्त डीजीपी सुनील रामानंद यांनी मुंबईतील आर्थर रोड जेल बहुमजली करण्याचा प्रस्ताव पाठविला आहे. सरकारने हा प्रस्ताव मंजूर केल्यास जेलमधील कैद्यांचे वेतन 5 हजारांपर्यंत वाढणार आहे.