पंतप्रधान नरेंद्र मोदी यांची दिनचर्या जाणून घेण्याची सर्वांनाच उत्सुकता असते. त्यांची कमी झोप हा अनेकांच्या चर्चेचा विषय आहे. याबाबतच बोलताना महाराष्ट्र भाजप अध्यक्ष चंद्रकांत पाटील म्हणाले, पीएम मोदी फक्त दोन तास झोपतात. त्यांना जास्त झोपेची गरज भासत नाही. देशासाठी 24 तास काम करत राहण्याच्या त्यांचा मानस आहे. (Chandrakant Patil on PM Narendra Modi News)

पाटील यांनी कोल्हापुर उत्तर विधानसभा पोटनिवडणुकीच्या (Election) आधी भाजप (BJP) कार्यकर्त्यांना संबोधित केले. यावेळेस त्यांनी मोदींचे भरभरून कौतुक केले. ते म्हणाले, पंतप्रधान प्रत्येक मिनिटाला देशासाठी काम करतात. 24 तास जागे राहून देशासाठी काम करता यावे यासाठी मोदी झोप कमी करण्याचा प्रयत्न करत आहेत. ते कामाचा एक मिनिटही वाया घालवत नाहीत.

बॉलिवूड अभिनेता अक्षय कुमारने एकदा नरेंद्र मोदींची (Narendra Modi) मुलाखत घेतली होती. यादरम्यान अक्षयने मोदींना त्यांच्या वैयक्तिक आयुष्याशी संबंधित अनेक प्रश्न विचारले होते. यामध्ये पंतप्रधानांना झोपेवरून प्रश्न विचरण्यात आला होता. यावर पीएम मोदींचे उत्तर होते की, अमेरिकेचे अध्यक्ष असलेले माझे मित्र बराक ओबामा सुद्धा मला हाच प्रश्न विचारायचे. आताही ते विचारतात. कमी झोप घेणे माझी सवय झाली आहे.