कोल्हापूर: 'जवान, शेतकरी, महिला आणि युवा अशा सर्वाना समर्पित असे महायुतीचे सरकार आहे. पंतप्रधान नरेंद्र मोदी यांच्या नेतृत्वाखाली महाराष्ट्र पुन्हा एकदा महायुतीला राज्याची सेवा करण्याची संधी देईल याची मला खात्री वाटते', असे वक्तव्य गोव्याचे मुख्यमंत्री डॉ. प्रमोद सावंत यांनी रविवारी (१३ ऑक्टोबर) केले.

चंदगड, कोल्हापूर येथे जय जवान, जय किसान महा मेळावा आयोजित करण्यात आला होता. या मेळाव्याला मुख्यमंत्री डॉ. प्रमोद सावंत यांनी संबोधित केले.

'केंद्र सरकारने पीएम किसान, फसल बीमा, कृषि सिंचाई सारख्या योजना राबवल्या आहेत. तसेच महाराष्ट्र सरकारने मुख्यमंत्री बळीराजा मोफत वीज योजना सुरु केली आहे त्यामुळे शेतकर्‍यांना लाभ मिळत आहे.'

'पंतप्रधान नरेंद्र मोदी यांच्या आणि गोव्याचे सुपुत्र मनोहर पर्रीकर संरक्षण मंत्री असताना निवृत्त जवान आणि कुटुंबिय यांच्यासाठी महत्वपूर्ण अशा One Rank, One Pension चा निर्णय घेण्यात आला', असे मुख्यमंत्री सावंत यावेळी बोलताना म्हणाले.

या कार्यक्रमासाठी केंद्रीय राज्यमंत्री मुरलीधर मोहोळ, राज्य सभा खासदार धनंजय महाडिक, माजी मंत्री भरमूअण्णा पाटील, भाजप कोल्हापूर विधानसभा संयोजक शिवाजी पाटील, आजी-माजी सैनिक आणि शेतकरी बांधव उपस्थित होते.

'जय जवान, जय किसान हा नारा माननीय पंतप्रधान नरेंद्र मोदी यांच्या नेतृत्वाखाली जय विज्ञान, जय अनुसंधान असा पुढे नेण्यात येत आहे', असे सावंत म्हणाले.

'जवान, शेतकरी, महिला आणि युवा अशा सर्वाना समर्पित असे महायुतीचे सरकार आहे. पंतप्रधान नरेंद्र मोदी यांच्या नेतृत्वाखाली महाराष्ट्र पुन्हा एकदा महायुतीला राज्याची सेवा करण्याची संधी देईल याची मला खात्री वाटते', असा विश्वासही सावंत यांनी यावेळी व्यक्त केला.