Yuzvendra Chahal: आयपीएलचा यंदाचा हंगाम सुरु होण्यास अवघे काही दिवस उरले आहेत. 31 मार्चपासून सुरु होणाऱ्या या आयपीएल हंगामाचा अंतिम सामना 28 मे रोजी होणार आहे.

यावेळी आयपीएलमधील उत्साह वाढणार आहे, कारण संघ त्यांच्या घरच्या मैदानावर सामने खेळताना दिसणार आहेत.

या आयपीएलमध्ये एक खेळाडू इतिहासात आपले नाव नोंदवण्यापासून काही पावले दूर आहे. जर त्याने हे केले तर तो अनुभवी खेळाडूचा विक्रम मोडेल.

हा खेळाडू अनुभवी खेळाडूचा विक्रम मोडेल

या मोसमात राजस्थान रॉयल्सकडून खेळलेला यजुवेंद्र चहल (Yajuvendra Chahal) आयपीएलमध्ये मोठी कामगिरी करण्यापासून काही पावले दूर आहे. या T20 लीगमधील अनुभवी फिरकी गोलंदाजांपैकी एक यजुवेंद्र चहल लसिथ मलिंगाचा विक्रम मोडण्याच्या अगदी जवळ आहे.

दरम्यान, लसिथ मलिंगा 2009 ते 2019 या कालावधीत आयपीएलमध्ये (IPL) मुंबई इंडियन्सकडून खेळला होता. त्याच्या आयपीएलमध्ये एकूण 170 विकेट्स आहेत.

चहल त्याच्या विकेट्सचा विक्रम मोडण्यापासून फक्त 5 विकेट्स दूर आहे. या आयपीएलमध्ये चहलने 5 विकेट मिळवताच तो लसिथ मलिंगाचा विक्रम मोडेल आणि आयपीएलच्या इतिहासात सर्वाधिक विकेट घेणारा दुसरा गोलंदाज बनेल.

नंबर-1 बनू शकतो

आयपीएलच्या या मोसमात फिरकीपटू युजवेंद्र चहललाही नंबर-1 बनण्याची संधी आहे. मात्र, यासाठी त्याला मेहनत घ्यावी लागणार आहे.

चेन्नई सुपर किंग्जचा अष्टपैलू खेळाडू ड्वेन ब्राव्होच्या नावावर आयपीएलच्या इतिहासात आतापर्यंत सर्वाधिक विकेट्स घेण्याचा विक्रम आहे. त्याने आयपीएलमध्ये सर्वाधिक 183 विकेट्स घेतल्या आहेत.

अशा परिस्थितीत आयपीएलमध्ये सर्वाधिक विकेट घेणाऱ्या या गोलंदाजाला हरवून चहलला नंबर-1 बनण्याची संधी आहे.

चहल ब्राव्होपासून 18 विकेट दूर आहे. जर त्याने हे यश मिळवले तर तो या लीगमध्ये सर्वाधिक बळी घेणारा गोलंदाज बनेल.

चहलची आयपीएलमधील आकडेवारी

अनेक वर्षांपासून आयपीएलमध्ये रॉयल चॅलेंजर्स बंगळुरुचा भाग असलेला चहल या हंगामात राजस्थान रॉयल्सकडून खेळताना दिसणार आहे.

मात्र, चहलने मुंबई इंडियन्सकडून खेळून आपल्या आयपीएल करिअरची सुरुवात केली. चहलने आतापर्यंत आयपीएलमध्ये 131 सामने खेळले असून त्यात त्याच्या 166 विकेट्स आहेत. 40 धावांत 5 बळी हा त्याचा सर्वोत्तम स्पेल आहे.