पणजीः गोव्यातील वेटलिफ्टर्सच्या (Goa Weightlifters) कामगिरीची दखल घेत गोवा ऑलिंपिक असोसिएशनने (Goa Olympic Association) सोमवारी टोकियो ऑलिंपिक (Tokyo Olympics) जागृती कार्यक्रमात खेळाडूंना सन्मानित केले. या उपक्रमांतर्गत दरदिवशी ऑलिंपिक स्पर्धा कार्यक्रम दाखविले जातात, तसेच राज्यातील विविध खेळातील क्रीडापटूंना गौरविण्यात येते.

पणजीतील कदंब बसस्थानकावर झालेल्या कार्यक्रमात तनोज किनळकर, शुभम गावस, रवींद्र डायस, श्रेया नाईक, अर्चिता शिरोडकर या वेटलिफ्टर्सचा खोर्ली जिल्हा पंचायत सदस्य सिद्धेश नाईक यांच्या हस्ते सत्कार करण्यात आला. यावेळी गोवा वेटलिफ्टिंग असोसिएशनचे अध्यक्ष झेवियर फिएल्हो, सचिव जयेश नाईक, गोवा ऑलिंपिक असोसिएशनचे समन्वयक अश्विन तोंबट, चेतन कवळेकर, संदीप हेबळे, निशिता पेडणेकर यांची उपस्थिती होती.