पणजी : टोकियो ऑलिंपिकनिमित्त (Tokyo Olympic) गोव्यातील जागृती (Awareness in Goa) उपक्रमांतर्गत शनिवारी गोवा ऑलिंपिक असोसिएशनने (Goa Olympic Association) रग्बी (Rugby) खेळाडू-प्रमोटर्स यांचा गौरव केला. कार्यक्रम पणजीतील कदंब बसस्थानक संकुलात झाला.
रग्बी खेळातील उत्कृष्ट योगदानाबद्दल क्लॉडिया क्रिझल, पूजा मळगावकर, जीवन बेदाडोळकर, हर्ष गुप्ता आणि मार्क फर्नांडिस यांना सन्मानचिन्ह देऊन गौरविण्यात आले. यावेळी गोवा रग्बी युनियनच्या अँड्रिया क्रिझल, गोवा ऑलिंपिक असोसिएशनचे उत्तर गोवा समन्वयक चेतन कवळेकर व संदीप हेबळे यांची उपस्थिती होती. सनथ भरणे यांनी आभार मानले. दक्षिण गोव्यातील टोकियो ऑलिंपिक जागृती उपक्रमात मडगाव येथे सायलक रॅली झाली. यावेळी गोवा ऑलिंपिक असोसिएशनचे सचिव गुरुदत्त भक्ता यांनी रॅलीस प्रारंभ केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
