AFG Vs PAK: अफगाणिस्तानविरुद्धच्या 3 सामन्यांच्या T20I मालिकेत पाकिस्तानी संघाला 2-1 ने पराभव स्वीकारावा लागला आहे. या मालिकेतील पहिले दोन सामने गमावल्यानंतरच पाकिस्तान संघाने मालिका गमावली.
मात्र तिसऱ्या टी-20 सामन्यात त्यांनी अफगाणिस्तानला 66 धावांनी पराभूत करुन क्लीन स्वीप केला. हा सामना संपल्यानंतर पाकिस्तानचा कर्णधार शादाब खानने (Shadab Khan) मोठे वक्तव्य केले आहे.
तिसरा T20 जिंकून अफगाणिस्तानला क्लीन स्वीप करण्यापासून रोखल्यानंतर पाकिस्तानचा स्टँड-इन कर्णधार शादाब खान म्हणाला की, 'संघाला पाकिस्तानच्या गौरवासाठी खेळायचे होते आणि आम्ही तेच केले.'
तिसऱ्या टी-20 सामन्यात पाकिस्तानने (Pakistan) 66 धावांनी विजय मिळवला. शादाबने 28 धावा करत तीन विकेट घेत विजयात मोलाचा वाटा उचलला. पहिले दोन सामने गमावूनही पाकिस्तानला विजयाने मालिका संपवायची होती, असे तो म्हणाला.
सामनावीर शादाबने सामन्यानंतर सांगितले की, 'आम्हाला मालिका विजयाने संपवायची होती आणि आम्ही तेच केले. आम्हाला परिस्थितीची सवय करुन घ्यावी लागली आणि आमचे फलंदाज ते करु शकले. आम्हाला पाकिस्तानच्या गौरवासाठी खेळायचे होते आणि आम्ही ते केले.'
तसेच, युवा खेळाडूंना संधी देणे हा या मालिकेचा मुख्य उद्देश होता. आशा आहे की, या सामन्यांमुळे त्यांना आत्मविश्वास मिळेल ज्याचा त्यांना दीर्घकाळात फायदा होईल, असेही तो म्हणाला. तिसऱ्या सामन्यात पाकिस्तानने अफगाणिस्तानला 18.4 षटकात 116 धावांत संपुष्टात आणल्यानंतर 182/7 अशी भक्कम धावसंख्या उभारली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.