Asia Cup 2023: आशिया चषक 2023 ची सुरुवात 30 ऑगस्टपासून होणार असून अंतिम सामना 17 सप्टेंबर रोजी होणार आहे. या मोठ्या स्पर्धेपूर्वी स्टार यष्टीरक्षक फलंदाज ऋषभ पंतने टीम इंडियाला एक खूशखबर दिली आहे.
डिसेंबर 2022 पासून पंत क्रिकेटच्या मैदानापासून दूर आहे. त्याने सोशल मीडियावर एक व्हिडिओ शेअर केला आहे, जो तूफान व्हायरल होत आहे.
दरम्यान, टीम इंडियाला (Team India) पुढील तीन महिन्यांत आशिया कप आणि वर्ल्ड कपसारख्या मोठ्या स्पर्धा खेळायच्या आहेत.
दरम्यान, पंतने त्याच्या इंस्टाग्रामवर एक स्टोरी शेअर केली, ज्यामध्ये श्रेयस अय्यर आणि केएल राहुल फलंदाजीचा सराव करताना दिसत आहेत. हे दोन्ही खेळाडू गेल्या काही काळापासून दुखापतीशी झुंजत आहेत.
आशिया चषकापूर्वी या दोन खेळाडूंचे फिट होणे ही टीम इंडियासाठी मोठी बातमी आहे. हे दोन्ही खेळाडू संघाच्या मोठ्या मॅचविनरपैकी एक आहेत. व्हिडिओ शेअर करताना पंतने कॅप्शनमध्ये लिहिले की, 'बर्याच दिवसांनी लाईव्ह क्रिकेट मॅच पाहताना मजा आली.'
दुसरीकडे, श्रेयस अय्यरला आयपीएल 2023 पूर्वी दुखापत झाली होती. एप्रिलमध्ये अय्यरच्या पाठीवर ब्रिटनमध्ये यशस्वी शस्त्रक्रिया झाली.
त्याचवेळी, केएल राहुलला (KL Rahul) आयपीएल 2023 च्या मध्यात दुखापत झाली होती. या दुखापतीनंतर त्याने आयपीएल आणि वर्ल्ड टेस्ट चॅम्पियनशिप फायनलमधून माघार घेतली होती. असे मानले जात आहे की, हे दोन्ही खेळाडू अशिया कप 2023 मध्ये टीम इंडियाचा भाग बनू शकतात.
गेल्या वर्षी डिसेंबरमध्ये झालेल्या कार अपघातातून ऋषभ पंत अजूनही सावरत आहे. पंत सध्या बंगळुरु येथील राष्ट्रीय क्रिकेट अकादमी (NCA) मध्ये आहे. पूर्ण तंदुरुस्त होण्याच्या प्रवासात तो एक-एक पाऊल टाकत आहे.
वृत्तानुसार, ऋषभ पंतने नेटमध्ये सुमारे 140 किमी प्रतितास वेगाने चेंडूंचा सामना करण्यास सुरुवात केली आहे. एवढेच नाही तर त्याने यष्टिरक्षणाचा सरावही सुरु केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.