भारत आणि इंग्लंड यांच्या धरमशाला येथे 5 सामन्यांच्या कसोटी मालिकेतील शेवटचा सामना सुरू झाला आहे. हा सामना भारताचा अव्वल फिरकीपटू आर अश्विनसाठी खास असणार आहे. कारण हा त्याच्या कसोटी कारकिर्दीतील 100 सामना आहे.
अशातच या सामन्यातसाठी मैदानावर उतरताच अश्विनने दिग्गजांमध्ये स्थान मिळवले आहे. कारण, 100 कसोटी सामने खेळणारा तो भारताचा 14वा जगातील 77वा खेळाडू ठरला आहे.
याशिवाय 100 किंवा त्याहून अधिक कसोटी खेळणारा अश्विन हा भारताच्या 92 वर्षांच्या कसोटी इतिहासातील केवळ पाचवा गोलंदाज आहे.
यापूर्वी दिग्गज अनिल कुंबळे, कपिल देव, इशांत शर्मा आणि हरभजन सिंग यांनी ही कामगिरी केली आहे.
अश्विनपूर्वी 13 भारतीय खेळाडूंनी 100 कसोटी सामने खेळण्याचा पराक्रम केला होता. या यादीत सचिन तेंडुलकर पहिल्या क्रमांकावर आहे. दुसऱ्या स्थानावर टीम इंडियाचे सध्याचे मुख्य प्रशिक्षक राहुल द्रविड आहेत.
सध्या खेळत असलेल्या भारतीय खेळाडूंबद्दल बोलायचे झाले तर अश्विनच्या आधी विराट कोहली, चेतेश्वर पुजारा आणि इशांत शर्मा यांनी हा टप्पा गाठला आहे. मात्र, इशांत शर्माने शेवटचा आंतरराष्ट्रीय सामना २०२१ मध्ये खेळला होता.
अनिल कुंबळे- 132
कपिल देव- 131
इशांत शर्मा- 105
हरभजन सिंग- 103
आर अश्विन- 100*
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.