Modi Cabinet Decision: दिवाळीपूर्वी मोदी सरकारची खूशखबर! अग्निवीरांना मिळणार 2 वर्षांचा सेवा विस्तार; लाखो जवानांना मोठा दिलासा

Agniveer 2 Year Service Extension Modi Cabinet Decision: अग्निवीर योजनेबाबत मोदी सरकारने एक मोठा निर्णय घेतला. या निर्णयानुसार, चार वर्षांची सेवा पूर्ण करणाऱ्या अग्निवीरांना आता आणखी दोन वर्षांचा सेवा विस्तार देण्यास मोदी मंत्रिमंडळाने मंजूरी दिली. या ऐतिहासिक निर्णयामुळे देशातील लाखो अग्निवीर जवानांना मोठा दिलासा आणि फायदा मिळणार आहे.

या निर्णयाची माहिती देताना चीफ ऑफ डिफेंस स्टाफ जनरल एनएस राजा सुब्रमणि यांनी सांगितले की, भारतीय रक्षा दल आणि अग्निवीरांसाठी आजचा दिवस अत्यंत महत्त्वाचा आहे. 14 जून 2022 रोजी सुरु करण्यात आलेल्या अग्निपथ योजनेची वेळोवेळी समीक्षा करण्यात आली आणि पहिल्या बॅचच्या चार वर्षांच्या कामगिरीचा सकारात्मक फिडबॅक मिळाला.

पूर्वीच्या नियमांनुसार, केवळ 25 टक्के अग्निवीरांना गुणवत्तेच्या आधारावर नियमित सैन्यात सामावून घेतले जाणार होते, तर उर्वरित 75 टक्के तरुण शिस्तबद्ध आणि प्रेरित होऊन समाजात परतणार होते. मात्र, आता अद्ययावत करण्यात आलेल्या या नव्या योजनेनुसार, उर्वरित 75 टक्के अग्निवीरांना दोन वर्षांचा अतिरिक्त सेवा काळ दिला जाईल. ही दोन वर्षांची मुदत पूर्ण झाल्यानंतर, जे तरुण इच्छुक असतील त्यांना एका निश्चित निवड प्रक्रियेच्या माध्यमातून भारतीय सशस्त्र दलात पूर्णवेळ सेवेत सामावून घेतले जाणार आहे.

दरम्यान, या महत्त्वपूर्ण बदलामुळे लष्करातील अनुभवाची पोकळी भरुन निघण्यास मदत होईल आणि तरुणांच्या भविष्यालाही एक सुरक्षित दिशा मिळेल. चार वर्षांच्या सेवेनंतर घरी परतणाऱ्या जवानांसाठी हा दोन वर्षांचा अतिरिक्त विस्तार त्यांच्या करिअरसाठी अत्यंत फायदेशीर ठरेल. या सर्वसमावेशक निर्णयामुळे तरुणांमध्ये उत्साहाचे वातावरण असून, सरकारचे हे पाऊल देशाच्या संरक्षण व्यवस्थेला अधिक मजबूत आणि प्रभावी बनवणारे ठरणार आहे.