पंतप्रधान नरेंद्र मोदी (Prime Minister Narendra Modi) यांनी भारतीय महिला हॉकी संघाशी (Indian women's hockey team) फोनवरुन संवाद साधला. पदकाची संधी हुकल्याने निराश झालेल्या भारताच्या लेकींचे मनोबल पंतप्रधानांनी वाढवले.(The Prime Minister boosted the morale of India's lakes) ते म्हणाले, तुम्ही केलेल्या कामगिरीचा संपूर्ण देशाला अभिमान आहे. इतक्या वर्षानंतर भारतीय हॉकीचे नाव तुम्ही मोठे केले आहे. आजिबात निराश होऊ नका, खचून जाऊ नका. यावेळी पंतप्रधानांशी बोलताना भारतीय महिलांच्या डोळ्यातून पाणी येत होते. हॉकी संघाच्या कामगिरीने विजयासाठी केलेला संघर्ष आणि कष्ट सध्याच्या तसेच भविष्यातील तरुणांसाठी मोठी प्रेरणा असणार आहेत.

राजीव गांधी खेल रत्न पुरस्काराला आता हॉकीच्या जादुगाराचे नाव

मोदी सरकारने राजीव गांधी खेल रत्न पुरस्काराचे नाव बदलण्याचा मोठा निर्णय आज घेतला आहे. या पुरस्काराला आता हॉकीचे जादुगार समजल्या जाणारे आणि देशात हॉकीला एका वेगळ्याच स्थरावर नेऊन ठेवणारे मेजर ध्यानचंद यांचे नाव देण्यात आले आहे. याबाबत पंतप्रधानांनी ट्वीटरवरून याची माहिती दिली आहे. भारताच्या पुरुष संघाने 41 वर्षांनंतर ऑलिम्पिकमध्ये ब्राँझ मेडल पटकावले आहे. त्याबरोबर महिलांनी देखील हॉकीत उल्लेखनीय कामगिरी करत मने जिंकली आहेत. त्यातच मोदी सरकारने घेतलेल्या या निर्णयामुळे देशभरातील क्रीडा प्रेमींनी आनंद व्यक्त केला आहे.

खेल रत्न पुरस्काराचे नाव मेजर ध्यानचंद खेल रत्न पुरस्कार असे करण्यात आले आहे. लोकांच्या भावनांचा आदर राखून हा निर्णय़ घेण्यात आल्याचे पंतप्रधानांनी म्हटले आहे. ऑलिम्पिकमध्ये भारतीय खेळाडूंनी केलेल्या कामगिरीचा आपल्या सर्वांनाच अभिमानाने आहे.