इंग्लंडचा नवा कसोटी कर्णधार बेन स्टोक्स (Ben Stokes) आज 4 जून रोजी त्याचा 30 व्या वयामध्ये पदार्पण करत आहे. न्यूझीलंडमध्ये जन्मलेल्या या स्टार अष्टपैलू खेळाडूने आपली बॅड बॉय इमेज चे गुड बॉय इमेज बनवत इंग्लंडसाठी विश्वचषक जिंकला आणि तो सर्वात यशस्वी अष्टपैलू खेळाडू बनला. (New Zealand Bad Boy released from prison makes England world champion)

बेन स्टोक्सचे वादांशी जरा सखोल संबंध आहेत. त्यामुळे त्यांची बॅड बॉय इमेजही चाहत्य़ांमध्ये बनली होती. तो नाईट क्लबमध्ये भांडताना पकडला गेला होता, त्यानंतर त्याला तुरुंगातही डांबन्यात आले होते. 2014 मध्ये वेस्ट इंडिजविरुद्धच्या T20 सामन्यात तो पहिल्याच चेंडूवर आउट झाला, त्यानंतर त्याने ड्रेसिंग रूममध्ये जाऊन लॉकरवर आदळ आपट केली. त्यामुळे बोट फ्रॅक्चर झाले आणि तो पुन्हा खेळू शकला नाही.

2019 साली स्टोक्स हिरो बनून समोर आला. आणि त्याने आपल्या संघाला विश्वविजेते बनवले. संपूर्ण सामन्यात शानदार खेळ दाखवल्यानंतर त्याने अंतिम फेरीत चार विकेट घेतल्या आणि 84 धावांची महत्त्वपूर्ण खेळी खेळली.

इंग्लंडला स्वबळावर विश्वचषक जिंकता आला.2019 च्या ऍशेस मालिकेतही बेन स्टोक्स तिथून हिरो म्हणून उदयास आला. मालिकेतील तिसऱ्या कसोटी सामन्यात स्टोक्सच्या नाबाद शतकाच्या (135) बळावर इंग्लंडने ऑस्ट्रेलियाचा एका विकेटने पराभव करून इतिहास रचला.

बेन स्टोक्सने 79 कसोटीत 5061 धावा केल्या 174 विकेट घेतल्या. यामध्ये 11 शतके आणि 26 अर्धशतकांचा देखील समावेश आहे. त्याच वेळी, 101 एकदिवसीय सामन्यांमध्ये त्याने 2871 धावा केल्या आणि 74 विकेट आपल्या नावावर केल्या. एकदिवसीय क्रिकेटमध्ये त्याच्या नावावर 3 शतके आणि 21 अर्धशतके आहेत, तसेच स्टोक्सने 34 टी-20 सामन्यांमध्ये 19 विकेट घेतल्या असून 442 धावा ठोकल्या आहेत.