India vs Australia 4th T20I: भारत आणि ऑस्ट्रेलिया यांच्यातील टी-20 मालिकेतील चौथा सामना आज (01 डिसेंबर) रायपूरमध्ये खेळवला जात आहे. या रोमांचक सामन्यात ऑस्ट्रेलियन गोलंदाजांची कामगिरी वाखाणण्याजोगी झाली. या सामन्यादरम्यान ऑस्ट्रेलियन कर्णधार मॅथ्यू वेडने विशेष कामगिरी केली. T20 आंतरराष्ट्रीय क्रिकेटमध्ये यष्टीरक्षक म्हणून 50 बळी घेणारा तो पाचवा क्रिकेटर ठरला आहे. रायपूरमध्ये भारतीय कर्णधार सूर्यकुमार यादवचा विकेटच्या मागे झेल घेत वेडने ही खास कामगिरी केली आहे.
दरम्यान, T20 आंतरराष्ट्रीय क्रिकेटमध्ये विकेटच्या मागे सर्वाधिक झेल घेण्याचा विक्रम दक्षिण आफ्रिकेचा स्टार यष्टीरक्षक क्विंटन डी कॉकच्या नावावर आहे. डी कॉकने 2012 पासून 80 सामने खेळताना 79 डावांमध्ये सर्वाधिक 76 झेल घेतले आहेत. त्याच्यानंतर इंग्लिश खेळाडू बटलरचे नाव दुसऱ्या क्रमांकावर आहे. भारताचा माजी कर्णधार एमएस धोनी तिसऱ्या, केनियाचा इरफान करीम चौथ्या आणि आता मॅथ्यू वेड पाचव्या स्थानावर पोहोचला आहे.
76 – क्विंटन डी कॉक – दक्षिण आफ्रिका
59 – जोस बटलर – इंग्लंड
57 – एमएस धोनी – भारत
51 – इरफान करीम – केनिया
50* – मॅथ्यू वेड – ऑस्ट्रेलिया
मॅथ्यू वेडच्या आंतरराष्ट्रीय क्रिकेट कारकिर्दीबद्दल बोलायचे झाल्यास, त्याने कांगारु संघासाठी आतापर्यंत एकूण 212 आंतरराष्ट्रीय सामने खेळले आहेत. दरम्यान, त्याने 205 डावात 4568 धावा केल्या आहेत. आंतरराष्ट्रीय क्रिकेटमध्ये वेडच्या नावावर पाच शतके आणि 19 अर्धशतके आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.