केएल राहुल सध्या केवळ भारतातीलच नव्हे तर जगातील सर्वोत्तम क्रिकेटपटूंपैकी एक आहे. सध्या तो आयपीएलमध्ये लखनौ सुपरजायंट्सचे नेतृत्व करत आहे. त्याने एका मुलाखतीत एक अतिशय मनोरंजक खुलासा केला आहे. केएल राहुलने सांगितले की, त्याची आई त्याच्याशी 26-27 वर्षे खोटे बोलत होती. खरे तर राहुलला आता त्याच्या नावामागील कारण कळले आहे. त्याच्या आईने शाहरुख खानमुळे राहुलचे नाव राहुल ठेवले आहे. कारण शाहरुख खानचे अनेक चित्रपटांमध्ये नाव राहुल होते. केएल राहुलची आई शाहरुख खानची खूप मोठी फॅन आहे.

केएल राहुलने सांगितले की, माझी आई माझ्याशी नावाबद्दल खोट बोलले. ब्रेकफास्ट विथ चॅम्पियन्स शोमध्ये राहुलने खुलासा केला की, 'मला काही वर्षांपूर्वीच कळले की माझी आई माझ्याशी 26-27 वर्षे खोटे बोलत होती. आईने सांगितले होते की ती शाहरुख खानची फॅन आहे आणि 90 च्या दशकात प्रत्येक चित्रपटात त्याचे नाव राहुल असायचे. म्हणूनच माझे नाव राहुल ठेवण्यात आले.

मित्रांकडून ऐकून केएल राहुलला धक्का बसला

केएल राहुल पुढे म्हणाला, 'मी हे माझ्या मित्रांना सांगितले ज्यांना बॉलीवूडचे (Bollywood) ज्ञान आहे. एका मित्राने सांगितले की, ज्या चित्रपटात शाहरुख खानचे नाव राहुल होते तो चित्रपट 1994 मध्ये पहिल्यांदा प्रदर्शित झाला होता आणि तुझा जन्म 1992 मध्ये झाला होता.

राहुलने आई-वडिलांचे नाव रोशन केले

केएल राहुलला (kl-rahul) त्याच्या नावामागील सत्य 26-27 वर्षांनी कळले पण हे नाव आज जगभरात प्रसिद्ध आहे. राहुलसारखे उत्कृष्ट असलेले फार कमी फलंदाज आहेत. यामुळेच केएल राहुल भारतासाठी तिन्ही फॉरमॅट खेळतो. सध्या राहुलचे लक्ष आयपीएल (IPL) 2022 वर असेल ज्यामध्ये त्याला लखनौ सुपरजायंट्सची जबाबदारी देण्यात आली आहे. लखनऊ सुपरजायंट्सने 17 कोटींमध्ये राहुलला ड्राफ्ट प्लेयर म्हणून सामील केले होते.