India vs Australia Test Series: भारत आणि ऑस्ट्रेलिया यांच्यात खेळल्या जाणाऱ्या बॉर्डर गावस्कर ट्रॉफीचे काउंटडाऊन सुरु झाले आहे. दोन्ही संघांमधील मालिकेतील पहिला सामना 9 फेब्रुवारीपासून नागपुरात खेळवला जाणार आहे.
या मालिकेत युवा फलंदाज शुभमन गिलही टीम इंडियाचा एक भाग आहे. परंतु शुभमन गिलला या मालिकेत सलामीवीर म्हणून खेळणे अवघड वाटत आहे. त्याच्या जागी एक धडाकेबाज फलंदाज कर्णधार रोहित शर्माचा सलामीचा जोडीदार बनू शकतो.
शुभमन गिल सध्या जबरदस्त फॉर्ममध्ये आहे, पण या कसोटी मालिकेत केएल राहुल देखील टीम इंडियाचा एक भाग आहे. गेल्या काही काळापासून केएल राहुल आणि रोहित शर्मा (Rohit Sharma) हे सलामीवीर म्हणून टीम इंडियाची पहिली पसंती राहिले आहेत, त्यामुळे पुन्हा एकदा हा लेफ्टी फलंदाज ऑस्ट्रेलिया मालिकेत डावाची सुरुवात करताना दिसू शकतो. केएल राहुल कसोटीत भारतीय संघाचा उपकर्णधारही आहे.
टीम इंडियाचा (Team India) धडाकेबाज फलंदाज श्रेयस अय्यर पाठीच्या दुखापतीमुळे ऑस्ट्रेलियाविरुद्धच्या चार कसोटी सामन्यांच्या मालिकेतील पहिल्या सामन्यातून बाहेर पडला आहे. अशा स्थितीत मधल्या फळीत शुभमन गिलला पसंती मिळू शकते. गिलने कसोटी क्रिकेटमध्ये बहुतांश संघासाठी डावाची सुरुवात केली आहे, परंतु यावेळी तो मधल्या फळीतही फलंदाजी करताना दिसू शकतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.