Ishan Kishan
Ishan Kishan Dainik Gomantak
क्रीडा

Ishan Kishan: 'मी एवढा मोठा नाही की धोनीच्या...', ऑटोग्राफ मागणाऱ्या चाहत्याला ईशानचे उत्तर

Pranali Kodre

Ishan Kishan: भारताचा युवा यष्टीरक्षक फलंदाज ईशान किशन केल्या काही दिवसांपासून चर्चेत आहे. त्याने काहीदिवसांपूर्वीच बांगलादेशविरुद्ध वनडेत विक्रमी द्विशतकी खेळी केली होती. त्यानंतर आता तो सध्या झारखंड संघाकडून रणजी ट्रॉफीतील सामने खेळण्यात व्यस्त आहे. याचदरम्यान, त्याच्या एका कृतीने एमएस धोनीच्या चाहत्यांची मने जिंकली आहेत.

नक्की काय झाले?

सध्या सोशल मीडियावर एक व्हिडिओ व्हायरल होत आहे. या व्हिडिओत दिसतंय त्यानुसार रणजी ट्रॉफी खेळण्याच व्यस्त असलेल्या ईशानकडे एका चाहत्याने स्वाक्षरीची मागणी केली. तोही स्वाक्षरी देण्यास तयार झाला. पण जेव्हा चाहत्याने स्वाक्षरीसाठी त्याचा फोन ईशानच्या पुढे केला, तेव्हा त्याने पाहिले की त्यावर आधीच धोनीने स्वाक्षरी केलेली आहे.

ते पाहून ईशानने लगेचच धोनीच्या स्वाक्षरीच्या वर त्याची स्वाक्षरी देण्यास नकार दिला. तो हे देखील म्हणाला की स्वाक्षरी घेण्यासाठी दुसरी कोणती गोष्ट नाहीये का. कारण त्यावर धोनीची स्वाक्षरी आधीच आहे. अखेर चाहत्याच्या आग्रहास्तव त्याने धोनीच्या स्वाक्षरी खाली त्याची स्वाक्षरी केली.

पण ही स्वाक्षरी करताना 'धोनीइतके अजून आपण मोठे झालेलो नाही, त्यामुळे मी तळाला स्वाक्षरी करतो', असेही ईशान म्हणताना व्हिडिओत दिसतो.

ईशान आणि धोनी हे झारखंड संघाकडून एकत्रही यापूर्वी खेळले आहेत. सध्या ईशान जबरदस्त फॉर्ममध्ये असून त्याने रणजी ट्रॉफीच्या पहिल्या सामन्यातही शतकी खेळी केली होती. पण, गोव्याविरुद्धच्या दुसऱ्या सामन्यासाठी त्याला ११ जणांच्या संघात संधी देण्यात आलेली नाही.

धोनीबाबत बोलायचे झाल्यास तो आता आगामी आयपीएल २०२३ हंगामात खेळताना दिसेल. या हंगामात तो चेन्नई सुपर किंग्सचे प्रतिनिधित्व करताना दिसेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Mapusa Goa: गोव्यात गृहमंत्री अमित शहांच्या सभास्थळी हृदयविकाराच्या झटक्याने वृद्धाचा मृत्यू

Loksabha Election 2024: दोन वर्षात मायनिंग सुरुळीत होणार, जाहीरनाम्यात मच्छिमार बांधवासाठी अनेक योजना; शाह गोव्यात काय म्हणाले?

Loksabha Election 2024: म्हापसामधून अमित शाह यांचा हल्लाबोल; ''भ्रष्टाचाराने लिप्त इंडिया आघाडी...’’

Loksabha Election 2024: ‘’भ्रष्टाचार, वॉशिंग मशिनचे राजकारण थांबवण्यासाठी अन्...’’; गोव्यातून शशी थरुर यांचा भाजपवर हल्लाबोल

VIDEO: ‘’नोव्हेंबर 2026 मध्ये भारताचे इतके तुकडे होतील...’’, पाकिस्तानी सिनेटरच्या वक्तव्याने वादंग

SCROLL FOR NEXT