Chennai Super Kings vs Gujarat Titans, IPL 2023 Final: इंडियन प्रीमियर लीग 2023 स्पर्धेत चेन्नई सुपर किंग्स विरुद्ध गुजरात टायटन्स संघात अहमदाबादमधील नरेंद्र मोदी स्टेडियमवर अंतिम सामना होत आहे. हा सामना रविवारीच होणार होता. पण रविवारी अहमदाबादमध्ये मुसळधार पाऊस झाल्याने राखीव दिवशी हा सामना सोमवारी सुरू झाला.
मात्र, सोमवारी गुजरात टायटन्सच्या संघाची 20 षटके पूर्ण फलंदाजी झाल्यानंतर चेन्नई सुपर किंग्स फलंदाजीला आल्यानंतर पहिल्याच षटकावेळी पावसाला सुरुवात झाली. त्यामुळे पुन्हा सामना थांबला.
दरम्यान, पावसाची सर जोरात आल्याने मैदान ओले झाले आहे. आता पुन्हा रात्री 10.45 वा सामनाधिकारी मैदानाची तपासणी करणार आहेत. त्यानंतर सामना कधी सुरू होणार हे समजेल.
साधारण 12 वाजेपर्यंत तरी सामन्यातील षटके कमी होणार नाही. मात्र, त्यानंतर डकवर्थ लुईस नियम लागू केला जाईल आणि षटके कमी होण्यास सुरुवात होईल.
यादरम्यान समालोचक हर्षा भोगले यांनी एक समीकरण मांडले आहे. त्यांनी ट्वीट केले आहे की 'डकवर्थ लुईस नियमानुसार लक्ष्य मिळण्यासाठी अद्याप 2 तास आहेत. पण जर तुम्हाला त्यात स्वारस्य असेल तर, चेन्नईला विजेतेपद मिळवण्यासाठी 5 षटकांमध्ये बिनबाद 44 धावा किंवा 1 बाद 50 धावा किंवा 2 बाद 57 धावा असे समीकरण असेल.'
रविवारी हा सामना होणार होता. पण रात्री 11 वाजेपर्यंत वाट पाहाण्यात आली पण मुसळधार पाऊस झाल्याने हा सामना होण्यासाठी योग्य परिस्थितीत नव्हती. त्याचमुळे हा सामना सोमवारी राखीव दिवशी हलवण्यात आला. आयपीएलच्या इतिहासात पहिल्यांदाच राखीव दिवशी सामना खेळवला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.