भारतीय महिला संघाने सातव्यांदा आशिया चषकावर आपले नाव कोरलं आहे. शनिवारी झालेल्या अंतिम सामन्यात भारतीय महिला संघानं श्रीलंका संघाचा आठ विकेट्सने पराभव केला. गोलंदाजांनी केलेल्या दमदार कामगिरीमुळे श्रीलंकेच्या संघाला फक्त 66 धावाच करता आल्या. प्रत्युत्तर दाखल भारताने हे आव्हान दोन गडी आणि 8.3 षटकांमध्ये सहज पार केलं. रेणुका सिंह , राजेश्वरी गायकवाड आणि स्नेह राणा यांच्या भेदक माऱ्यानंतर स्मृती मंधानाने भारतासाठी (India) शानदार प्रदर्शन केले.

सातव्यांदा आशिया चषक उंचावल्यानंतर भारतीय महिला संघाच्या आनंद गगणात मावत नव्हता. भारतीय महिला संघाने विजयी जल्लोष केला. चषकासह टीम इंडिया एन्जॉय करतानाचे व्हिडीओ आणि फोटो सोशल मीडियावर व्हायरल होत आहे.

आशिया चषक जिंकणाऱ्या टीम इंडियावर (Team India) कौतुकांचा वर्षाव होत आहे. आजी-माजी क्रिकेटपटूसह नेटकऱ्यांनाही महिला संघाला शुभेच्छा दिल्या आहेत.