Rohit Sharma & Virat Kohli  Dainik Gomantak
क्रीडा

Rohit Sharma on Virat Kohli: 'संघाच्या आतल्या गोष्टी...', विराटच्या फॉर्मबद्दल प्रश्न विचारताच कॅप्टन रोहित शर्मा भडकला

Rohit Sharma on Virat Kohli: विराट कोहलीच्या फॉर्मबद्दल प्रश्न विचारताच कॅप्टन रोहित शर्माने तिखट शब्दात उत्तर दिले आहे.

Pranali Kodre

Rohit Sharma on Virat Kohli: भारतीय क्रिकेट संघ सध्या वेस्ट इंडिज दौऱ्यावर आहे. या दौऱ्यात 27 जुलैपासून 3 सामन्यांची वनडे मालिका सुरू होणार आहे. या मालिकेला सुरुवात होण्यापूर्वी रोहित शर्माने विराट कोहलीच्या फॉर्मवरील प्रश्नावर चोख उत्तर दिले आहे.

विराटने वनडे मालिकेपूर्वी वेस्ट इंडिजविरुद्ध झालेल्या दोन सामन्यांच्या कसोटी मालिकेतील दुसऱ्या सामन्यात 121 धावांची शतकी खेळी केली होती. हे त्याने परदेशात 5 वर्षांनंतर केलेले कसोटी शतक होते.

दरम्यान, गेल्या अनेक दिवसांपासून विराटच्या परदेशातील फॉर्मबद्दल चिंता व्यक्त केली जात होती. पण त्याने वेस्ट इंडिजविरुद्ध शतक करत टीकाकारांना चोख उत्तर दिले होते.

पण, तरी वेस्ट इंडिजविरुद्धच्या वनडे मालिकेपूर्वी झालेल्या पत्रकार परिषदेत रोहितला विराटच्या फॉर्मबद्दल प्रश्न विचारले होते. त्याला विचारले होते की विराट मोठ्या खेळी न करण्याबद्दल चिंता होती का?

त्यावर रोहित म्हणाला, 'या प्रश्नाचे उत्तर मी खूप वेळा दिले आहे. या सर्व बाहेरच्या गोष्टी आहेत. संघात काय होत असते ते आम्हालाच माहीत असते. आम्ही अशा गोष्टींकडे लक्ष देत नाही. आम्हाला फक्त सामने आणि मालिका जिंकायचे आहेत, कोण काय म्हणत आहे किंवा नाही, याची त्याची पर्वा नाही.'

तसेच वनडे मालिका जिंकण्याला प्राधान्य आहे, हे सांगताना रोहित म्हणाला, 'सध्या वनडे मालिका जिंकणे गरजेचे आहे. मी यापूर्वीही अनेकदा सांगितले आहे की संघाच्या आतील गोष्टी आम्ही आतच ठेवू इच्छितो. यापुढेही मी असेच सांगेल.'

दरम्यान, विराटचा वेस्ट इंडिजविरुद्धचा दुसरा कसोटी सामना हा कारकिर्दीतील 500 वा आंतरराष्ट्रीय सामना होता. याच सामन्यात त्याने शतकी खेळी केली. त्यामुळे तो 500 व्या आंतरराष्ट्रीय सामन्यात शतक करणारा पहिलाच खेळाडू ठरला होता.

भारताने वेस्ट इंडिजविरुद्धची 2 सामन्यांची कसोटी मालिका 1-0 अशा फरकाने जिंकली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT