Ind vs SL T20 Series: भारत आणि श्रीलंका यांच्यातील टी-20 मालिकेतील पहिला सामना मुंबईतील वानखेडे स्टेडियमवर खेळला गेला. मंगळवारी झालेल्या या सामन्यात टीम इंडियाने 2 धावांनी विजय मिळवला. या सामन्यात श्रीलंकेने नाणेफेक जिंकून भारताला प्रथम फलंदाजीसाठी आमंत्रित केले. दीपक हुड्डा आणि अक्षर पटेल यांच्या झंझावाती खेळीमुळे टीम इंडियाने 20 षटकात 5 गडी गमावून 162 धावा केल्या. प्रत्युत्तरात श्रीलंकेचा संघ 20 षटकांत केवळ 160 धावाच करु शकला. टीम इंडियाच्या विजयाचा हिरो ठरला वेगवान गोलंदाज शिवम मावी. त्याने 4 षटकात 22 धावा देत 4 बळी घेतले.

या व्यक्तीचा अंदाज अचूक होता

ओग्गी नावाच्या युजरने ट्विटरवर या सामन्याची भविष्यवाणी केली होती, जी खरी ठरली. सामना संपण्याच्या सुमारे 2 तास आधी त्याने ट्विट केले होते, टीम इंडिया हा सामना 2 धावांनी जिंकू शकते. ओग्गीचा अंदाज खरा ठरला आणि टीम इंडियाने (Team India) हा सामना 2 धावांनी जिंकला.

ही होती सामन्याची स्थिती

दीपक हुड्डाने तूफान फटकेबाजी केली. त्याचबरोबर, नवोदित शिवम मावीने चार विकेट्स घेतल्या. त्यानंतर दीपक हुड्डाने (23 चेंडूत नाबाद 41) युवा खेळाडूंनी सजलेल्या भारतीय संघाला श्रीलंकेविरुद्ध दोन धावांनी रोमांचक विजय मिळवून दिला. तीन सामन्यांच्या मालिकेतील पहिल्या टी-20 आंतरराष्ट्रीय सामन्यात टीम इंडियाने आघाडी घेतली आहे. हुड्डा आणि अक्षर पटेल (20 चेंडूत नाबाद 31) यांनी 38 चेंडूत 68 धावांची शानदार भागीदारी करुन भारताला पाच बाद 162 धावांपर्यंत नेले. अखेरच्या चेंडूवर श्रीलंकेचा संघ 160 धावांवर बाद झाला.

तसेच, श्रीलंकेच्या (Sri Lanka) फिरकीपटूंसमोर 94 धावांत पाच गडी गमावून भारतीय संघ अडचणीत आला होता, मात्र हुड्डाने 23 चेंडूत एक चौकार आणि चार षटकार ठोकले, तर अक्षरने 20 चेंडूंत नाबाद 3 चौकार आणि 1 षटकार ठोकला. लक्ष्याचा पाठलाग करताना भारताच्या वेगवान गोलंदाजांनी संघाला चांगली सुरुवात करुन दिली पण श्रीलंकेचा कर्णधार दासून शनाकाने 27 चेंडूंत तीन चौकार आणि षटकारांसह संघाच्या आशा जिवंत ठेवल्या. वानिंदू हसरंगा (10 चेंडूत 21 धावा) आणि चमिका करुणारत्ने (16 चेंडूत नाबाद 23) यांनीही आक्रमक फलंदाजी करत संघाला शेवटपर्यंत सामन्यात रोखले.