राजकोट कसोटीत टीम इंडियासाठी दोन खेळाडूंनी पदार्पण केले. प्रथम, सर्फराज खानने पदार्पणात 66 चेंडूत 62 धावांची खेळी खेळून चर्चेत आला. त्यानंतर पदार्पण करणाऱ्या ध्रुव जुरेलनेही टीम इंडियासाठी पहिला आंतरराष्ट्रीय सामना खेळताना धूम ठोकली. त्याचे अर्धशतक चार धावांनी हुकले पण त्याच्या 46 धावांच्या खेळीने चकित केले. या खेळीत ध्रुवने दोन चौकार आणि तीन षटकार मारले. त्याने आपल्या खेळीदरम्यान मार्क वुडच्या चेंडूंचा ताशी 150 किमी वेगाने सामना केला आणि शानदार फलंदाजी केली.
दरम्यान, टीम इंडियासाठी 312 वा कसोटीपटू ठरलेल्या ध्रुव जुरेलने निश्चितपणे 46 धावा केल्या पण आपल्या फलंदाजीने सर्वांची मने जिंकली. या खेळीत त्याने 104 चेंडू खेळले. यादरम्यान त्याचा क्लास, त्याची आक्रमक खेळीसह सर्व काही पाहायला मिळाले. त्याच्या एका अप्पर कट षटकाराने उपस्थतिना चकित केले. मार्क वुडच्या एका चेंडूवर ध्रुवने ताशी 150 किमी वेगाने षटकार मारला.
तसेच, ध्रुव जुरेल कसोटी पदार्पणात भारतासाठी (India) सर्वाधिक धावा करणारा दुसरा खेळाडू ठरला. नयन मोंगिया 30 वर्षे या पोजिशनवर होता पण आता तो असा तिसरा फलंदाज ठरला तर ध्रुव जुरेल दुसरा फलंदाज. आगामी काळातही त्याने असाच खेळ करत राहिल्यास केएस भरतसाठी धोक्याची घंटा ठरु शकते. तसेच, ऋषभ पंतसाठी पुनरागमनही आव्हान ठरणार आहे.
दिलावर हुसेन- 59 धावा (इंग्लंड, 1934)
ध्रुव जुरेल- 46 धावा (इंग्लंड, 2024)
नयन मोंगिया- 44 धावा (श्रीलंका, 1994)
दुसरीकडे, टीम इंडियाने दुसऱ्या दिवसाच्या सुरुवातीला 331 धावांवर 7 विकेट गमावल्या होत्या. त्यानंतर ध्रुव जुरेलने रविचंद्रन अश्विनच्या साथीने संघाला संकटातून बाहेर काढले आणि 8व्या विकेटसाठी 77 धावांची भागीदारी केली. यादरम्यान जुरेलची आक्रमक खेळी पाहायला मिळाली. या दोघांच्या शानदार भागीदारीच्या जोरावर भारताची धावसंख्या 400 पार झाली. शेवटी जसप्रीत बुमराहनेही (Jasprit Bumrah) हिंमत दाखवत टीम इंडियाची धावसंख्या 445 पर्यंत नेली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.