पणजी: गोव्याच्या सीनियर महिला क्रिकेट संघाने मंगळवारी एकतर्फी विजयाची नोंद केली. त्यांनी कमजोर अरुणाचल प्रदेशवर नऊ विकेट राखून मात केली. 8.1 षटकांत विजयी लक्ष्य गाठताना फक्त एक विकेट गमावली.

(Goa women's cricket team beat Arunachal Pradesh team in Women's T20 cricket tournament)

आसाममधील गुवाहाटी येथील बर्सापारा मैदानावर झालेल्या लढतीत अरुणाचल प्रदेशने प्रथम फलंदाजी केली. त्यांना 9 बाद 62 धावाच करता आल्या. गोव्याने 1 बाद 65 धावा करून स्पर्धेतील सलग तिसऱ्या विजयाची नोंद केली.

गोव्याने आता पाच लढतीत तीन विजय व दोन पराभव अशी कामगिरी केली असून त्यांचे 12 गुण झाले आहेत. गोव्याच्या महिला संघाचा पुढील सामना गुरुवारी (ता. 20) बिहारविरुद्ध खेळला जाईल.

संक्षिप्त धावफलक

अरुणाचल प्रदेश: 20 षटकांत 9 बाद 62 ( नाबाम यापू 26, इला खान 18, शिखा पांडे 4-0-14-2, सुनंदा येत्रेकर 4-0-7-2, पूर्वा भाईडकर 3-0-5-2, निकिता मळीक 1-0-5-0, तेजस्विनी दुर्गड 4-0-9-1, मेताली गवंडर 2-0-11-0, संजुला नाईक 2-0-9-0) पराभूत वि. गोवा : 8.1 षटकांत 1 बाद 65 (इब्तिसाम शेख 10, संजुला नाईक नाबाद 22, शिखा पांडे नाबाद 26).