Team  Dainik Gomantak
क्रीडा

बोर्ड सेलिंग स्पर्धेत गोव्याला पाच सुवर्ण पदके

एकूण सहा पदकांसह सर्वोत्तम कामगिरी, डेन कुएल्हो अव्वल

दैनिक गोमन्तक

पणजी: गोव्याने अखिल भारतीय बोर्ड सेलिंग स्पर्धेत सर्वोत्तम कामगिरी नोंदविताना एकूण पाच सुवर्ण व एक रौप्य मिळून सहा पदके जिंकली. दोना पावला येथे झालेल्या स्पर्धेत गोव्याचा डेन कुएल्हो अव्वल ठरला. (Goa wins five gold medals in board sailing competition)

स्पर्धेला शनिवारी रात्री झालेल्या अवकाळी पावसाचा फटका बसला, त्यामुळे स्पर्धकांच्या सेलिंग उपकरणांची हानी झाली. ऐनवेळी डागडुजी करून सेलर्सनी रविवारी स्पर्धेच्या शेवटच्या दिवशी स्पर्धेत भाग घ्यावा लागला. दिवसभरात वाऱ्याचा वेग चांगला राहिल्यामुळे शर्यतींना आडकाठी आली नाही.

गोव्याच्या डेन कुएल्हो याच्यासाठी रविवारच्या दोन्ही शर्यती महत्त्वाच्या होत्या. एबाद अली याला मागे टाकण्यासाठी गोव्याच्या सेलरला दोन्ही शर्यती जिंकणे अत्यावश्यक होते. आर्मी यॉटिंग नोडच्या एबाद अली याच्यावर डेन याने नऊ गुणांची आघाडी घेत वर्चस्व राखले. तो आता आशियाई क्रीडा स्पर्धेच्या चाचणीसाठी मुंबईस रवाना होईल. स्पर्धेचे बक्षीस वितरण भारतीय यॉटिंग संघटनेचे संयुक्त सचिव कॅप्टन जितेंद्र दीक्षित यांच्या हस्ते झाले.

कात्याला आंतरराष्ट्रीय मान्यता

गोव्याची कात्या कुएल्हो हिने महिलांच्या आयक्यू फॉईल शर्यतीत सुवर्णपदक जिंकून आंतरराष्ट्रीय आयक्यू फॉईल क्लास असोसिएशनची मान्यता प्राप्त केली. पुरुषांच्या या शर्यतीत आर्मी यॉटिंग नोडच्या सौरभ कुमार याला पहिला क्रमांक मिळाला.

पर्लची सोनेरी चमक

महिलांच्या (Women) आरएसःवन गटात गोव्याच्या पर्ल कोलवाळकर हिने सुवर्णपदक जिंकले. पुरुषांच्या रेसबोर्डमध्ये ओवायएच्या डी. शेखर राव याने पहिला क्रमांक मिळविला. रेसबोर्ड युवा पुरुष गटात गोव्याच्या आवेलिन फर्नांडिसने सुवर्ण, तर आदर्श चुनेकर याने रौप्यपदक जिंकले. रेसबोर्ड युवा मुलींत कात्या कुएल्हो विजेती ठरली. या प्रकारातील मास्टर्स प्रकारात कमांडर (निवृत्त) आशिष सक्सेनास प्रथम स्थान प्राप्त झाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT