Ashleigh Gardner, ICC Womens ODI Rankings: आयसीसीने (ICC) ने मंगळवार, 1 ऑगस्ट रोजी जाहीर केलेल्या महिला एकदिवसीय क्रमवारीत ऑस्ट्रेलियाच्या ऍशले गार्डनरने मोठी झेप घेतली. आयर्लंडविरुद्धच्या तूफानी खेळीचा तिला या क्रमवारीत फायदा झाला.
दरम्यान, गोलंदाजांच्या क्रमवारीत ऍशले गार्डनर एका स्थानाने प्रगती करत चौथ्या स्थानावर पोहोचली. तर अष्टपैलू खेळाडूंच्या क्रमवारीत दुसऱ्या स्थानावर झेप घेतली.
याशिवाय, ऍशलेने पाच स्थानांची झेप घेत आयसीसी महिला एकदिवसीय फलंदाजांच्या क्रमवारीत 16व्या स्थानावर पोहोचली आहे. तिच्या या अष्टपैलू कामगिरीमुळे ऑस्ट्रेलियाने (Australia) तीन सामन्यांची मालिका 2-0 ने जिंकली.
तसेच, फलंदाजीच्या क्रमवारीत अॅनाबेल सदरलँड 16 व्या स्थानावर तर फोबी लिचफिल्ड 51 व्या स्थानावर पोहचली. अॅनाबेल सदरलँडने तिसऱ्या एकदिवसीय सामन्यात नाबाद 109 तर फोबी लिचफिल्डने नाबाद 106 धावा केल्या.
दोघींनी पहिल्या विकेटसाठी 215 धावांची पाटर्नरशिप केली. दरम्यान, जॉर्जिया वेअरहॅमने 12 स्थानांची प्रगती करत 66 व्या स्थानावर पोहोचली आहे.
त्याचबरोबर, अष्टपैलू खेळाडूंच्या यादीत वेअरहॅम 8 व्या स्थानावरुन 22 व्या स्थानावर तर सदरलँड 9 व्या स्थानावरुन 25 व्या स्थानावर पोहोचली आहे. गोलंदाजांमध्ये डार्सी ब्राउन चार स्थानांनी 35व्या तर किम गर्थने 15 स्थानांनी प्रगती करत 56व्या स्थानावर पोहोचली आहे. ब्राऊनने दोन सामन्यांत चार विकेट घेतल्या होत्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.