Asian Youth Para Games : 2020 च्या टोकियो ऑलिम्पिक (Tokyo Olympics) आणि पॅरालिम्पिक गेम्सपासून भारतीय खेळाडू (Indian players) जबरदस्त फॉर्ममध्ये आहेत. देश-विदेशातील अनेक स्पर्धांमध्ये चांगली कामगिरी करत आहेत. रिफा सिटी, बहरीन येथे खेळल्या गेलेल्या आशियाई युवा पॅरा गेम्समध्ये भारतीय संघाने 12 सुवर्ण, 15 रौप्य आणि 14 कांस्य अशी एकूण 41 पदके जिंकली आहेत. बुधवारी सर्व भारतीय खेळाडू पदकांसह मायदेशी परतणार आहेत.

भारतीय संघाने अॅथलेटिक्समध्ये सर्वाधिक पदके जिंकली आहेत. 22 खेळाडू व्यासपीठावर पोहोचण्यात यशस्वी झाले. यामध्ये आठ सुवर्ण, सहा रौप्य आणि आठ कांस्य पदकांचा समावेश आहे. बॅडमिंटनमध्ये भारतीय पॅरा खेळाडूंनी 15 पदके जिंकली. यामध्ये टोकियो पॅरालिम्पियन पलक कोहली, संजना कुमारी आणि हार्दिक मक्कर यांनी तीन पदके जिंकली.

भारताने जलतरणात तीन पदके जिंकली. यामध्ये एक रौप्य आणि दोन कांस्य पदकांचा समावेश आहे. टीम इंडियाला (Team India) पॉवरलिफ्टिंगमध्येही पदक जिंकण्यात यश आले. आशियाई पॅरा युथ गेम्समध्ये 30 देशांतील 700 हून अधिक खेळाडू सहभागी झाले होते. ही स्पर्धा 2 डिसेंबर ते 6 डिसेंबर दरम्यान पार पडली.

यादरम्यान युवा पॅरा गेम्समध्ये खेळाडूंनी नऊ खेळांमध्ये सहभाग घेतला. यामध्ये पॅरा अॅथलेटिक्स, पॅरा बॅडमिंटन, बोकिया, गोल बॉल, पॅरा पॉवरलिफ्टिंग, पॅरा स्विमिंग, पॅरा टेबल टेनिस, पॅरा तायक्वांदो आणि व्हीलचेअर बास्केटबॉल यांचा समावेश आहे.