Ashes Series 2023: इंग्लंड आणि ऑस्ट्रेलिया यांच्यात ऍशेस मालिकेतील शेवटचा कसोटी सामना ओव्हलवर खेळला जात आहे. या सामन्यात जो रुटने इंग्लंडसाठी शानदार अर्धशतक झळकावले. 52 धावा केल्यानंतर तो फलंदाजी करत आहे.

या अर्धशतकाच्या जोरावर रुटने कसोटी फॉरमॅटमध्ये इंग्लंडसाठी मोठी कामगिरी केली आहे. त्याने इंग्लंडसाठी सर्वाधिक कसोटी अर्धशतके झळकावण्याच्या बाबतीत माजी कर्णधार अॅलिस्टर कुकची बरोबरी केली आहे.

दरम्यान, इंग्लंडकडून (England) माजी कर्णधार अॅलिस्टर कूकने 90 अर्धशतके ठोकली आहेत. आता रुटनेही 90 अर्धशतके पूर्ण केली आहेत. इयान बेल या यादीत तिसऱ्या क्रमांकावर आहे, ज्याने 68 वेळा 50 किंवा त्याहून अधिक धावा केल्या आहेत.

चौथ्या क्रमांकावर ग्रॅहम गूचचे नाव आहे, ज्याने कसोटी क्रिकेटमध्ये इंग्लंडकडून हा पराक्रम 66 वेळा केला आहे.

इंग्लंडसाठी कसोटीत सर्वाधिक 50 किंवा त्याहून अधिक स्कोर करणारे 5 फलंदाज

90 – अॅलिस्टर कूक

90 – जो रुट

68 - इयान बेल

66 - ग्रॅहम गूच

64 - जेफ्री बॉयकॉट

रुटने ऍशेसमध्ये केला हा पराक्रम

ऑस्ट्रेलियाविरुद्धच्या (Australia) पाचव्या कसोटीत अर्धशतक पूर्ण करताच जो रुटने ऍशेसच्या इतिहासातही एक मोठा पराक्रम केला आहे. ऍशेस मालिकेत इंग्लंडसाठी 50 किंवा त्याहून अधिक धावा करणारा तो चौथा खेळाडू ठरला आहे.

जॅक हॉब्स या यादीत पहिल्या क्रमांकावर आहेत, ज्याने 27 वेळा हा पराक्रम केला आहे. दुसऱ्या क्रमांकावर हर्बर्ट सटक्लिफ आणि तिसऱ्या क्रमांकावर इयान बेल, ज्याने 22 वेळा 50 किंवा त्याहून अधिक धावा केल्या आहेत.