Ashes 2023, 5th Test: इंग्लंड आणि ऑस्ट्रेलिया क्रिकेट संघात सध्या ऍशेस २०२३ मालिका सुरु आहे. या मालिकेतील पाचवा सामना द ओव्हल स्टेडियमवर सुरू आहे. या सामन्यात दोन्ही संघाच विजयासाठी चूरस पाहायला मिळत आहे.

पण यादरम्यान चाहत्यांमध्येही मोठा उत्साह पाहायला मिळत आहे. पण याच उत्साहाच्या भरात काही वादग्रस्त घटनाही घडलेल्या या मालिकेदरम्यान पाहायला मिळाल्या.

पाचव्या सामन्याच्या तिसऱ्या दिवसाचा खेळ संपल्यानंतर ऑस्ट्रेलियन संघ ड्रेसिंग रुममध्ये जात असताना एका प्रक्षकांने त्यांना कंटाळवाणे असा टोपणा मारला. दरम्यान, सामन्याच्या तिसऱ्या दिवशी इंग्लंड संघाने आक्रमक फलंदाजी केली होती. याच गोष्टीची आठवण करून देताना प्रेक्षकाने ऑस्ट्रेलियन संघाला कंटळवाणे म्हटले होते.

पण, त्यावर ऑस्ट्रेलियाचे मार्नस लॅब्युशेन आणि उस्मान ख्वाजा यांनी त्या प्रेक्षकाला प्रत्युत्तरही दिले. लॅब्युशेन आणि ख्वाजा हे अन्य ऑस्ट्रेलियन खेळाडूंसह पायऱ्या चढत असताना प्रेक्षकाने त्यांना कंटाळवाणे म्हटल्याचे ऐकून थांबले.

त्यानंतर ख्वाजाने त्या प्रेक्षकाला शांत राहण्यास सांगितले, तर लॅब्युशेन त्याला तुम्ही काय म्हणाला, असे सातत्याने विचारत होता? त्यानंतर त्या प्रेक्षकाने माफी मागितली आणि तो मागे सरकला. त्यानंतर ख्वाजानेही लॅब्युशेनला पुढे नेले.

यापूर्वी, लॉर्ड्स कसोटीवेळीही ऑस्ट्रेलियन खेळाडूंविरुद्ध अपमानजनक कमेंट एमसीसी सदस्यांनी उडवली होती. त्यानंतर तीन एमसीसी सदस्यांना निलंबित केले होते.

सामना रोमांचक वळणावर

पाचव्या सामन्याचा अखेरचा दिवस बाकी आहे. या सामन्यात अखेरच्या दिवशी ऑस्ट्रेलियाला विजयासाठी 249 धावांची गरज आहे, तर इंग्लंडला 10 विकेट्सची गरज आहे.

या सामन्यात इंग्लंडने प्रथम फलंदाजी करताना सर्वबाद 283 धावा केल्या, तसेच ऑस्ट्रेलियाने पहिल्या डावात सर्वबाद 295 धावा करत 12 धावांची आघाडी घेतली. त्यानंतर इंग्लंडने दुसऱ्या डावात सर्वबाद 395 धावा केल्या.

त्यामुळे इंग्लंडने ऑस्ट्रेलियासमोर विजयासाठी 384 धावांचे आव्हान ठेवले आहे. या आव्हानाचा पाठलाग करताना ऑस्ट्रेलियाने चौथ्या दिवसाखेर बिनबाद 135 धावा केल्या आहेत.