Ashes 2023: इंग्लंडचा अष्टपैलू खेळाडू मोईन अलीने नुकतीच निवृत्ती मागे घेण्याचा निर्णय घेतला होता. कॅप्टन बेन स्टोक्सने त्याला अॅशेससाठी मनवले होते. त्यानंतर त्याने अॅशेसमध्ये पुनरागमन केले. गेल्या दोन सामन्यात त्याला फलंदाजीत फार काही करता आले नसले तरी शेवटच्या सामन्यात त्याने चांगली गोलंदाजी करत संघाला विजय मिळवून दिला.
मोईन सध्या मँचेस्टरमध्ये चौथा कसोटी सामना खेळत आहे. तिसऱ्या क्रमांकावर फलंदाजीला आलेल्या मोईनने दुपारनंतर 44 चेंडूत 31 धावा केल्या. यासह त्याने आपल्या कसोटी कारकिर्दीतील एक मोठा टप्पा गाठला. मोईनने केवळ कसोटीत 3000 धावाच पूर्ण केल्या नाहीत तर 200 बळींचा टप्पाही गाठला. हे करताच त्याने खास क्लबमध्ये स्थान मिळवले.
मोईनने 67 व्या सामन्यात ही कामगिरी केली. अशाप्रकारे, तो सर्वात जलद 3,000 धावा करणारा अष्टपैलू आणि 200 बळी घेणारा चौथा खेळाडू ठरला. त्याच्याआधी शकिब अल हसनने (Shakib Al Hasan) 54 कसोटीत, इयान बॉथमने 55 आणि ख्रिस केर्न्सने 58 सामन्यांत ही कामगिरी केली होती. अशी कामगिरी करणारा मोईन हा जगातील केवळ 16 वा खेळाडू आहे.
इयान बॉथम (5200 धावा, 383 विकेट)
अँड्र्यू फ्लिंटॉफ (3795 धावा, 219 विकेट)
स्टुअर्ट ब्रॉड (Stuart Broad) (3640 धावा, 600 बळी)
मोईन अली (3006* धावा, 201 विकेट)
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.