IPL Final 2023: इंडियन प्रीमियर लीग (IPL) 2023 चा अंतिम सामना चेन्नई सुपर किंग्स (CSK) आणि गुजरात टायटन्स (GT) यांच्यात अहमदाबादच्या नरेंद्र मोदी स्टेडियमवर खेळला जात आहे.
या सामन्यात नाणेफेक हरल्यानंतर गुजरात संघाने पहिल्यांदा फलंदाजी करताना 214 धावा केल्या. यादरम्यान 21 वर्षीय स्टार खेळाडू साई सुदर्शनची शानदार फलंदाजी पाहायला मिळाली.
साईने CSK च्या गोलंदाजांची पळताभुई थोडी केली. या युवा डावखुऱ्या फलंदाजाने 33 चेंडूत झंझावाती अर्धशतक झळकावले.
दरम्यान, यंदाच्या आयपीएल (IPL) मोसमातील साई सुदर्शनचे हे तिसरे अर्धशतक आहे. साईने आयपीएल फायनलमध्ये 47 चेंडूत 96 धावांची तूफानी खेळी खेळली. त्याने 6 षटकार आणि 8 चौकार मारले. त्याचा स्ट्राईक रेट 204.25 होता. सुदर्शनशिवाय ऋद्धिमान साहाने 54 तर शुभमन गिलने 39 धावा केल्या. चेन्नईकडून मथिशा पथिरानाने 2 बळी घेतले.
साई सुदर्शन फायनलमध्ये शतक झळकावण्यापासून हुकला असला तरी त्याने आपल्या वेगवान खेळीने अनेक विक्रम आपल्या नावावर केले. IPL फायनलमध्ये 50 किंवा त्याहून अधिक धावा करणारा सुदर्शन हा दुसरा सर्वात तरुण खेळाडू ठरला आहे.
त्याचे वय 21 वर्षे 226 दिवस आहे. सध्या हा विक्रम मनन वोहराच्या नावावर आहे, ज्याने 2014 च्या फायनलमध्ये पंजाबसाठी अर्धशतक झळकावले होते. तेव्हा त्याचे वय 20 वर्षे 318 दिवस होते.
20 वर्षे, 318 दिवस - मनन वोहरा (पीबीकेएस) वि केकेआर, बंगळुरु, 2014
21 वर्षे, 226 दिवस - साई सुदर्शन (GT) वि CSK, अहमदाबाद, 2023
22 वर्षे, 37 दिवस - शुभमन गिल (KKR) वि CSK, दुबई, 2021
23 वर्षे, 37 दिवस - ऋषभ पंत (DC) वि एमआय, दुबई, 2020
117* - शेन वॉटसन (CSK) विरुद्ध SRH, मुंबई वानखेडे, 2018
115* - रिद्धिमान साहा (पीबीकेएस) वि केकेआर, बंगळुरु, 2014
96 - साई सुदर्शन (GT) वि CSK, अहमदाबाद, 2023
95 - मुरली विजय (CSK) विरुद्ध RCB, चेन्नई, 2011
94 - मनीष पांडे (KKR) विरुद्ध PBKS, बंगळुरु, 2014
112* - रजत पाटीदार (RCB) वि LSG, कोलकाता, 2022 एलिमिनेटर
96 - साई सुदर्शन (GT) विरुद्ध CSK, अहमदाबाद, 2023 फायनल
94 - मनीष पांडे (KKR) विरुद्ध PBKS, बंगळुरु, 2014 फायनल
89 - मनविंदर बिस्ला (KKR) विरुद्ध CSK, चेन्नई, 2012 फायनल
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.