आलं (Ginger) आरोग्याच्या (Health) दृष्टीने आपल्यासाठी फायदेशीर ठरते. आपली पचन संस्था सुधारते, सर्दी खोकला किंवा घसा खवखवणे यासारख्या समस्यांपासून अराम मिळतो. यामुळे अनेक लोक चहामध्ये (Tea) आल्याचा वापर करतात. तसेच अनेक भाज्यांमध्येसुद्धा आलं वापरले जाते. पण अनेकांना आल्याची चव आवडत नाही त्यांच्यासाठी आल्याचा मुरंबा (Ginger Murbba) बनवणे फायदेशीर ठरते. चला तर मग जाणून घेऊया आल्याचा मुरंबा कसा बनवतात.

१ किलो आल्याचा मुरंबा बनवण्यासाठी साहित्य

१ किलो आल

१ किलो साखर

२० ग्रॅम वेलची पावडर

१० ग्रॅम गुलाबजल

१ लिंबू

कृती:

सर्वप्रथम आले स्वच्छ धुवून घ्यावे. यानंतर आल्याचे लहान तुकडे करावे. नंतर एका भांड्यात पाणी घेऊन साखर मिक्स करून घ्यावी. त्यात नंतर स्ट्रिंग सिरप बनवा. आता दुसऱ्या भांड्यात आले उकळून घ्यावे. नंतर आल्याचे तुकडे सिरपमध्ये टाकावे आणि चांगले मिक्स करावे. नंतर विलायची पावडर आणि लिंबू टाकून चांगले मिक्स करावे. थोड्या वेळ शिजू द्यावे. पूर्ण शिजल्यानंतर थोडा वेळ थंड करायाला ठेवावे. तयार आहे आल्याचा मुरंबा. तुम्ही काचेच्या डब्ब्यात मुरंबा ठेवू शकता.

* फायदे

आल्याचा मुरंबा सर्दी , खोकला,अपचन मळमळ यासारख्या समस्यांवर उपयुक्त आहे. तुम्ही याचे सेवन चपाती, ब्रेड बरोबर करू शकता.