Late Night Sleep Side Effects

रात्री उशिरापर्यंत जागे राहणाऱ्या लोकांच्या आरोग्यावर वाईट परिणाम होतोच शिवाय त्यांच्या संपूर्ण आरोग्यावरही वाईट परिणाम होतो, अशी स्टॅनफोर्ड युनिव्हर्सिटीमध्ये केलेल्या एका नवीन अभ्यासातून समोर आली आहे. या संशोधनात सुमारे ७५ हजार लोकांच्या झोपेचे नमुने तापसण्यात आले. झोपेच्या योग्य वेळेचे पालन न केल्यास मानसिक आरोग्याशी संबंधित समस्यांचा सामना करावा लागू शकतो, असे या अभ्यासतून निदर्शनास आले आहे.

या संशोधनात सहभाग घेतलेल्यांना 3 श्रेणींमध्ये विभागण्यात आले होते. लवकर झोपतात त्यांची एक श्रेणी, वेळेवर झोपणाऱ्यांना दुसऱ्या श्रेणीत आणि जे उशिरा झोपतात त्यांना तिसऱ्या श्रेणीत ठेवण्यात आले होते. यानंतर या सर्व श्रेणीतील लोकांचे मानसिक आरोग्यही तापसण्यात आले.

रात्री उशिरा झोपतात किंवा उशिरापर्यंत जागे राहतात अशा लोकांमध्ये चिंता आणि नैराश्य यासारख्या मानसिक आरोग्य विकारांचा धोका वाढतो, असे या संशोधनात असे आढळून आले. तसेच, जे लोक रात्री उशिरापर्यंत जागे राहतात त्यांच्या मानसिक आरोग्यावर लवकर झोपणाऱ्या लोकांच्या तुलनेत जास्त नकारात्मक परिणाम होतो, असे या अभ्यासातून समोर आले आहे.

वैद्यकीय तज्ञ काय सांगतात?

तुम्हाला जर रात्री लवकर झोपण्याची सवय लावायची असेल, तर त्यासाठी रात्री हलका आहार घ्या आणि अंधाऱ्या खोलीत झोपा. काही तज्ञांचे मते आहे की जर तुम्हाला रात्री लवकर झोपायचे असेल तर तुम्ही डोक्याची किंवा पायाची मालिश देखील करू शकता, यामुळे तुमच्या शरीरालाही आराम मिळतो.

झोपण्यापूर्वी कोमट दुधात मध मिसळून प्यायल्याने लवकर झोप येण्यास मदत होते, असे काही तज्ञांचे मत आहे. याशिवाय झोपण्यापूर्वी मोबाईल किंवा स्क्रीनचा जास्त वापर न केल्यास झोप येण्यास मदत होते.