आत्तापर्यंत तुम्ही आंबा आणि केळी यासारख्या फळांच्या अनेक प्रकारच्या स्मुदी ट्राय केल्या असतील. पण तुम्ही कधी नारळाची स्मुदी (Coconut Smoothie) बनवली आहे का? नारळाची स्मुदी चवीला खूप स्वादिष्ट असते. ही बनवायला देखील सोपी आहे. तुम्ही नाश्त्यासाठी किंवा इतर कोणत्याही प्रसंगी बनवू शकता. यासाठी नारळ, भाजलेले बदाम आणि काजू इत्यादीपासून तयार करता येते. चला तर मग जाणून घेवूया रेसिपी.

* नारळ स्मूदीसाठी साहित्य

• कच्च नारळ - 11/2 कप

• मध- 4 चमचे

• लिंबाचा रस- 1 चमचा

• काजू- 5

• नारळाचे दूध- 2 कप

• लाइम जेस्ट - 1/2 छोटा चमच

• बदाम- 6

* कृती

नारळाची स्मुदी (Coconut Smoothie) बनवण्यासाठी, नारळ आणि दुध मिक्सरमध्ये चांगले बारीक करून घ्यावे.

नंतर मध आणि लिंबू मिक्स करावे. या मिश्रणात बर्फाचे तुकडे , काजू आणि बदाम मिक्स करावे. परत एकदा मिक्सरमध्ये चांगले बारीक करावे.

सर्वात शेवटी एका ग्लासमध्ये घेवून आपल्या आवडीनुसार सजवू शकता.

* नारळ आरोग्यदायी

नारळाचे (Coconut) पाणी आरोग्यदायी असते. यामुळे आपल्याला दिवसभर फ्रेश वाटते. नारळ आरोग्यासह (Health) त्वचेसाठी (Skin) देखील फायदेशीर आहे. दक्षिण भारतात नारळाचे (Coconut) पदार्थ खूप आवडीने खाल्ले जातात. नारळाचे तेल, दूध आणि पाणी आरोग्यदायी (Health) असते. यात फायबर, मॅंगनीज, लोह, जस्त, फॉस्फरस आणि पोटॅशियम यासारखे पोषक घटक असतात. यामुळे आपल्या शरीराची रोगप्रतिकरकशक्ती (Immunity) वाढण्यास मदत मिळते. तसेच आपली पचन संस्था सुरळीत राहण्यासाठी नारळाचे पाणी फायदेशीर ठरते. निरोगी आरोग्यासाठी नारळ गुणकारी ठरते.