त्रिकोणाच्या आकारात बांधलेली संसद भवनाची नवीन बिल्डिंग चार मजली आहे.

हा संपूर्ण परिसर 64,500 चौरस मीटर क्षेत्रात पसरलेला आहे. या संपुर्ण प्रकल्पाचा खर्च 862 कोटी रुपये इतका आहे.

नवीन इमारतीमध्ये संविधान सभागृह देखील आहे. त्यामध्ये भारतीय लोकशाहीचा वारसा दाखवला आहे.

याशिवाय या संसदेमध्ये सदस्यांसाठी लाउंज, अनेक कमिटी रूम, जेवणाचे क्षेत्र आणि पार्किंगची जागा असेल.

संसद भवनाचे तीन मुख्य दरवाजे असतील - ज्ञान द्वार, शक्ती द्वार आणि कर्म द्वार. व्हीआयपी, खासदार आणि अभ्यागतांची एंट्री वेगवेगळ्या गेटमधून असेल.

नवीन संसद भवनात लोकसभेत 888 जणांसाठी बैठकव्यवस्था असून राज्यसभेत 300 जणांसाठी बैठकव्यवस्था आहे. दोन्ही सभागृहांची संयुक्त बैठक झाल्यास एकावेळी 1280 खासदार बसू शकतील.

जुन्या संसदेत लोकसभेतील 550 आणि राज्यसभेतील 240 सदस्यांसाठी आसनव्यवस्था आहे. जुन्या संसद भवनाचे बांधकाम 1927 मध्ये पूर्ण झाले होते.