Xeldem Jatra : कुडचडेच्या शेल्डे गावातील महाजत्रोत्सवाची सुरुवात परंपरेनुसार झाली. तब्बल १२ वर्षांच्या खंडानंतर सातेरी शांतादुर्गा देवस्थानाच्या जत्रोत्सव होत असतो. या महाजत्रोत्सवाचे वेध ग्रामस्थांना लागले होते. त्यामुळे दर्शनासाठी भाविकांनी मोठ्या संख्येने गर्दी केली होती. हा महाजत्रोत्सव ३० जानेवारी ते १० फेब्रुवारीपर्यंत चालणार आहे. शुक्रवारी जत्रोत्सवाच्या पार्श्वभूमीवर महाप्रसादाचा आस्वाद घेण्यासाठी मुख्यमंत्र्यांसह मंत्री व आमदार उपस्थित होते.

सातेरी शांतादुर्गा देवस्थानाच्या जत्रोत्सव २०११ मध्ये झाला होता. त्यानंतर यंदा २०२३ मध्ये तब्बल १२ वर्षांच्या खंडानंतर जत्रोत्सव होणार आहे. या महाजत्रोत्सवाचे वेध ग्रामस्थांना लागले होते. पूर्वजांच्या प्रथा परंपरेनुसार महाजन, ग्रामस्थ व भक्तगणांना महानैवेद्य शुक्रवारी सायंकाळी देण्यात आला. त्यानंतर हा जत्रोत्सव साजरा करण्यात येत असल्याचे गावातील ग्रामस्थांनी सांगितले. या महाजत्रोत्सवात लोकांनी मोठया संख्येने उपस्थित राहावे, असे देवस्थान समितीतर्फे आवाहन करण्यात आले आहे.

दरम्यान, शुक्रवारी जत्रोत्सवाच्या पार्श्वभूमीवर महाप्रसादाचा आस्वाद मुख्यमंत्री डॉ. प्रमोद सावंत यांनी घेतला. यावेळी त्यांच्यासोबत मंत्री नीलेश काब्राल, मंत्री सुभाष फळदेसाई, आमदार राजेश फळदेसाई, उल्हास तुयेकर उपस्थित होते.