Cash For Job Scam Goa

पणजी: गोव्यात गाजत असलेल्या कॅश फॉर जॉब स्कॅम प्रकरणाचा तपास ईडीने सुरु केला आहे. याप्रकरणात अनेकांना अटक करण्यात आलीय. तसेच, अनेक नावे समोर येण्याची शक्यता आहे. काही दिवसांपूर्वी मुख्यमंत्री सावंत यांच्या पत्नीचे यात नाव घेतल्याप्रकरणी मुख्यमंत्र्यांनी विरोधकांवर कायदेशीर कारवाईचा इशारा दिला आहे. याला आता आपने प्रत्युत्तर दिले आहे.

आम आदमी पक्षाच्या वतीने याप्रकरणी आज (१२ डिसेंबर) पणजीत पत्रकार परिषद घेण्यात आली. मुख्यमंत्री प्रमोद सावंत यांनी बदनामी प्रकरणी तक्रार दाखल करण्यात वेळ वाया घालवू नये. आम्ही दाखल करतो तक्रार त्यांनी तपासावर लक्ष केंद्रीत करावे, असे आपने म्हटले आहे.

असे असेल तर माजी राज्यपाल सत्यपाल मलिक यांच्याविरोधात बदनामीची केस का दाखल केली नाही. गोव्यातल्या नागरिकांना धमकावण्यासाठी ईडीचा दुरोपयोग करु नका. आम आदमी पक्ष क्रांती आणि आंदोलनातून वर आला आहे, असे आपचे नेते पत्रकार परिषदेत म्हणाले.

आम्ही माजी राज्यपाल सत्यपाल मलिक यांना गोव्यात येण्यासाठी आमंत्रण दिले आहे आणि ते देखील गोव्यात येण्यासाठी तयार आहेत. आम्हाला त्यांच्याकडून अधिक माहिती मिळण्याची शक्यता आहे, असे आप नेते म्हणाले. पत्नीवर घोटाळ्याचे आरोप करणाऱ्या एकालाही सोडणार नाही. त्यांच्याविरोधात कायदेशीर कारवाई करण्याचा इशारा मुख्यमंत्री सावंतांनी दिला आहे.