पणजी : मोरजी पंचायत क्षेत्रातील बेकायदा डोंगर कापणी प्रकरणी नगरनियोजन विश्वजीत राणे यांनी गंभीर दखल घेऊन डोंगर कापणी त्वरित बंद करावी आणि संबंधित कंपनी आणि फार्म मालकावर गुन्हा नोंद करावा असा आदेश मंत्री विश्वजीत राणे यांनी नगरनियोजन खात्याला आज दिला आहे.
मोरजी पंचायत क्षेत्रातील डोंगर माळरानावर दिल्लीच्या उद्योजकांनी विकत घेऊन त्या ठिकाणी मोठ्या प्रमाणात फार्म हाउसच्या नावाखाली बंगले उभारण्याचे सत्र अवलंबले आहे आणि सध्या मोठ्या प्रमाणात काँक्रिटचे रस्ते स्थानिक पंचायत किंवा सार्वजनिक बांधकाम खाते यांची परवानगी न घेता उभारण्याचे काम सुरू आहे. याविरोधात स्थानिक नागरिकांनी आवाज उठवल्यानंतर नगरनियोजन खात्याने ही कारवाई केली आहे.
मोरजी पंचायत क्षेत्रात डोंगर माळरानावर मोठ्या प्रमाणात डोंगर कापून बेकायदा बांधकाम चालू असल्याची लेखी तक्रार मयूर शेटगावकर यांनी मोरजी पंचायतीकडे केली आहे. या बांधकामावर आणि डोंगर कापणीवर त्वरित कारवाई करावी, असे तक्रारीत म्हटले होते.
निसर्गाचा ऱ्हास करत मोठ्या प्रमाणात दिल्लीतील अनेक हॉटेल मालक उद्योजक, चित्रपट नगरीतील व्यावसायिक, क्रिकेटपटू यांनी डोंगर माळरानावरील जमिनी विकत घेतलेले आहेत. या जमिनी विकत घेऊन फार्महाउस नावाखाली मोठे बंगले बेकायदा बांधलेले आहेत, असा आरोपही केला जात होता. अखेर आज मंत्री विश्वजीत राणेंनी यात लक्ष घालत संबंधित मालकावर गुन्हा दाखल करण्याचे निर्देश दिले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.