वाळपई: आरोग्यमंत्री विश्‍‍वजीत राणे यांनी साखळी येथील विठ्ठलापुरातील श्री विठ्ठल-रखुमाई मंदिरात आषाढी एकादशीनिमित्त दुग्धाभिषेक करून पूजा केली. या पवित्र दिवशी त्यांनी गोमंतकीय जनतेच्या उत्तम आरोग्यासाठी तसेच राज्यात सर्वत्र सुख, समृद्धी आणि सद्‌भावना नांदावी यासाठी श्री विठ्ठलचरणी प्रार्थना केली.
आषाढी एकादशीपासून चातुर्मासाला सुरवात होते. हा काळ श्रद्धा, साधना आणि आत्मचिंतनाचा आहे. श्री पांडुरंगाच्‍या भक्तांसाठी या दिवसाचे खास महत्त्व आहे. भक्ती, समर्पण आणि साधेपणा याचे प्रतीक असलेल्या श्री विठ्ठलाच्या चरणी मंत्री राणे यांनी आपला मनोदय व्यक्त केला.
यावेळी त्यांनी आपले आई-वडील, कुटुंबीय, सत्तरीवासीय आणि संपूर्ण गोमंतकीय जनतेसाठी आरोग्य, सुख आणि समृद्धीची प्रार्थना केली. पवित्र आषाढी एकादशीच्या निमित्ताने परिसरात विठ्ठलापुरात भाविकांचा महासागर लोटला होता. सकाळपासून अनेक भक्तांनी पायी वारी करत श्रींचे दर्शन घेतले. मंदिर समितीच्‍या पदाधिकाऱ्यांनी त्‍यांचे स्‍वागत केले.
श्री विठ्ठल-रखुमाईच्‍या कृपेने सर्व गोमंतकीय बंधू-भगिनी निरोगी, सुरक्षित आणि समाधानी राहू देत. माझ्या सर्व गोमंतकीय बांधवांना उत्तम आरोग्य लाभावे आणि समाजात एकोपा, बंधुभाव नांदावा हीच श्री विठ्ठलचरणी प्रार्थना.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.