पणजी : राज्याचा कोरोना संक्रमण दर 38.76 टक्क्यांवर गेला आहे. सध्या सर्वत्र व्हायरल इन्फेक्शन लोड वाढला असून अनेक पॉझिटिव्ह रुग्णांना कोणत्याच प्रकारची लक्षणे दिसून येत नाहीत. मात्र, याचा परिणाम इतर रुग्णांवर होत आहे. यामुळे नागरिकांनी लसीकरण सोबत नियमांचे पालन करणे गरजेचे असे मत प्रसिद्ध वैद्यकीय तज्ज्ञ डॉ. मधू घोडकिरेकर यांनी व्यक्त केले. (Viral Infection in Goa News Updates)

राज्यात कोरोना (Corona) रुग्णांची संख्या झपाट्याने वाढत आहे. आज सक्रिय रुग्णांची संख्या 22 हजार 807 झाली आहे तर पॉझिटिव्हिटी रेट काल पेक्षा काहीसा कमी होऊन 38.76 टक्क्यांवरच राहिला आहे. गेल्या 24 तासात नवे 3936 बाधित रुग्ण सापडले आहेत. गेल्या 24 तासांत 7 जणांचा कोरोनामुळे मृत्यू झाला.

सध्या सामाजिक संसर्गावर (Infection) बरोबरच हवेतून संसर्गाचा प्रमाणही वाढले आहे. त्यामुळे सर्वत्र व्हायरल लोड वाढला आहे. अनेक रुग्णांना अत्यंत कमी लक्षणे तर काहींना अजिबात लक्षणे दिसत नाहीत. मात्र, त्याचा परिणाम इतर रुग्णांना होत आहे. गोव्यात (Goa) सध्या मोठया प्रमाणात झालेल्या लसीकरणाचा फायदा होत असला तरी नागरिकांनी काळजी घ्यावी, असे डॉ. मधु घोडकीरेकर म्हणाले.